അടിമാലി: 2015 ഒക്ടോബര് 17-ന് പുലര്ച്ചെ ഗുണ്ടാ സംഘങ്ങള് അടിമാലിയില് ഭീകരാന്തരീഷം സൃഷ്ടിച്ച് കെട്ടിടങ്ങള് തകര്ത്ത സംഭവത്തിലെ മുഖ്യ സഹായിയും ഒന്നാം പ്രതിയുടെ വാഹനവും പോലീസ് കസ്റ്റഡിയില് എടുത്തു. ഒന്നാം പ്രതിയായ ബ്രൂസി പെരേരയുടെ പ്രധാന സഹായിയും ഡ്രൈവറുമായ ചാലക്കുടി കൊടകര കനകമല മിനിനഗറില് തട്ടില് വീട്ടില് അന്സന് ആന്റോ (29) നെയാണ് പ്രത്യേക അന്വേഷണ സംഘം അറസ്റ്റു ചെയ്തത്. സംഭവം നടത്തുന്നതിന് പ്രധാന പ്രതികളെ കൊണ്ടുവന്ന കെ.എല്. 01 എ.വി. 8555 മാരുതി സ്വിഫ്റ്റ് ഡിസയര് കാറും സംഘം കസ്റ്റഡിയില് എടുത്തിട്ടുണ്ട്. പ്രതിയും വാഹനവും വ്യാഴാഴ്ച വൈകിട്ട് ചാലക്കുടിയില് നിന്നുമാണ് പ്രത്യേക സംഘത്തിന്റെ മേധാവി ഡിവൈഎസ്.പി സി.ജെ. ജോണ്സനും സംഘവും അറസ്റ്റു ചെയ്തത്. മുന്പ് ഇതേ കേസിലെ 16 പ്രതികളെയും കെട്ടിടം തകര്ക്കുന്നതിന് ഉപയോഗിച്ച ജെ.സി.ബി, പ്രതികള് എത്തിച്ചേര്ന്ന ടെമ്പോട്രാവലര്, ഓട്ടോറിക്ഷ, ബൈക്ക് തുടങ്ങി അഞ്ചു വാഹനങ്ങളും പോലീസ് കസ്റ്റഡിയിലെടുത്തിരുന്നു.
അടിമാലിയിലെ ഗുണ്ടാ വിളയാട്ടം; മുഖ്യപ്രതിയുടെ കൂട്ടാളി അറസ്റ്റില്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.