ന്യൂദല്ഹി: പ്രധാനമന്ത്രി നരേന്ദ്ര മോദിക്കും പ്രതിരോധമന്ത്രി മനോഹര് പരീക്കറിനും
ഇസ്ലാമിക് സ്റ്റേറ്റിന്റെ വധഭീഷണി. ഭീഷണി കത്ത് ഗോവ പോലീസിനാണ് ലഭിച്ചത്. കത്തില് ഇസ്ലോമിക് സ്റ്റേറ്റിനെ കുറിച്ചു പ്രതിപാദിച്ചിട്ടുള്ളതായി ഗോവ പോലീസ് പറഞ്ഞു.
കത്തിലെ വിവരങ്ങള് സംസ്ഥാനത്തെ എല്ലാ പോലീസ് സ്റ്റേഷനുകളിലും അറിയിച്ചിട്ടുണ്ട്. കേന്ദ്ര ആഭ്യന്തരമന്ത്രാലയത്തിന്റെ നിര്ദേശപ്രകാരം ഭീകരവാദ വിരുദ്ധ സ്ക്വാഡിന് കേസ് അന്വേഷണം കൈമാറി.
പത്താന്കോട്ട് വ്യോമതാവളത്തിനു നേരെയുണ്ടയ ഭീകരാക്രമണത്തിന്റെ പശ്ചാത്തലത്തില് കത്ത് വളരെ ഗൗരവമായാണ് ആഭ്യന്തരമന്ത്രാലയം കാണുന്നത്. സുരക്ഷ ശക്തമാക്കാന് വിവിധ ഏജന്സികള്ക്ക് കേന്ദ്രം നിര്ദ്ദേശം നല്കിയിട്ടുണ്ട് . എന്നാല് കത്ത് ഐഎസിന്റെ ഭീഷണി തന്നെയാണോ എന്ന കാര്യത്തില് ഇതുവരെ സ്ഥിരീകരണം ഉണ്ടായിട്ടില്ല.
സുരക്ഷ വിലയിരുത്തുന്നതിനായി കേന്ദ്ര ആഭ്യന്തരമന്ത്രി രാജ്നാഥ് സിങ്ങിന്റെയും ദല്ഹി പൊലീസ് കമ്മിഷണര് ബി.എസ്. ബസിയുടേയും നേതൃത്വത്തില് യോഗം ചേര്ന്നു. ഭീകരസംഘടനകളുടെ ഏതൊരു ഭീഷണിയും നേരിടുന്നതിനുള്ള സംവിധാനം നമുക്കുണ്ടെന്ന് ആഭ്യന്തരമന്ത്രാലയം വ്യക്തമാക്കി. സുരക്ഷ ശക്തമാക്കിയിട്ടുണ്ട്. ഏതൊരു ആക്രമണങ്ങളും പരാജയപ്പെടുത്താന് നമ്മള് ശക്തരാണെന്നും ആഭ്യന്തര മന്ത്രാലയം പറയുന്നു.
