കണ്ണൂര്: കേന്ദ്ര ഗവ.പദ്ധതിയായ ആം ആദ്മി ബീമാ യോജന (ആബി) പദ്ധതിയില് രജിസ്റ്റര് ചെയ്ത കുടുംബങ്ങള് പോളിസി സര്ട്ടിഫിക്കറ്റ് കൈപ്പറ്റേണ്ടതാണെന്ന് ജില്ലാ ലേബര് ഓഫീസര് അറിയിച്ചു. കഴിഞ്ഞ വര്ഷം നവംബര്, ഡിസംബര് മാസങ്ങളില് ജില്ലയിലെ വിവിധ അക്ഷയ കേന്ദ്രങ്ങള് വഴി രജിസ്റ്റര് ചെയ്ത 60671 കുടുംബങ്ങള്ക്കാണ് ഇതിനുളള അവസരം. ആബി കുടുംബങ്ങളില്പെട്ട 9 മുതല് 12 ക്ലാസ്സുകളില് പഠിക്കുന്ന രണ്ട് കുട്ടികള്ക്ക് പ്രതിവര്ഷം നല്കിവരുന്ന 1200 രൂപ വീതമുളള സ്കോളര്ഷിപ്പിനുളള അപേക്ഷയും ഇതോടൊപ്പം നല്കാം. അപേക്ഷ നല്കുന്നതിനായി രജിസ്ട്രേഷന്റെ സമയത്ത് ലഭിച്ച സ്ലിപ്പുമായി അക്ഷയ കേന്ദ്രങ്ങളില് ജനുവരി 31 നകം എത്തണം.
സ്കോളര്ഷിപ്പ് അപേക്ഷ സമര്പ്പിക്കുന്നതിന് കുട്ടി പഠിക്കുന്ന സ്ഥാപനത്തിലെ പ്രധാന അധ്യാപകന് സാക്ഷ്യപ്പെടുത്തിയ അപേക്ഷാ ഫോറം, ആബി പോളിസി സര്ട്ടിഫിക്കറ്റ്, അപേക്ഷകന്റെ ബാങ്ക് പാസ് ബുക്കിന്റെ ആദ്യ പേജ് എന്നിവയുടെ പകര്പ്പും ഹാജരാക്കണം. പോളിസി സര്ട്ടിഫിക്കറ്റ് ലഭിക്കുന്നതിന് അഞ്ച് രൂപയും സ്കോളര്ഷിപ്പ് അപേക്ഷയ്ക്ക് 15 രൂപയുമാണ് അക്ഷയ കേന്ദ്രങ്ങളില് കൊടുക്കേണ്ടത്. ആബി പദ്ധതി പ്രകാരം കുടുംബനാഥന്റെ സ്വാഭാവിക മരണത്തിന് 30,000 രൂപയും അപകട മരണത്തിനും പൂര്ണ്ണ അംഗവൈകല്യത്തിന് 70000 രൂപയും ഭാഗിക അംഗവൈകല്യത്തിന് 37500 രൂപയും നല്കി വരുന്നുണ്ട്. കൂടുതല് വിവരങ്ങള് അക്ഷയ കേന്ദ്രത്തിലോ 1800-200-2530 എന്ന ടോള്ഫ്രീ നമ്പറിലോ ലഭിക്കും.
