മാര്ച്ച് 11 മുതല് 18 വരെ പുത്തരിക്കണ്ടം മൈതാനത്ത് പ്രത്യേകം സജ്ജമാക്കുന്ന സ്വാമി സത്യാനന്ദ സരസ്വതി നഗറില് സംഘടിപ്പിക്കുന്ന അഞ്ചാമത് അനന്തപുരി ഹിന്ദു മഹാസമ്മേളനത്തിന്റെ സ്വാഗതസംഘ കാര്യാലയം പ്രവര്ത്തനമാരംഭിച്ചു. മകരസംക്രാന്തി ദിനമായ ഇന്നലെ രാവിലെ 9.30ന് കോട്ടയ്ക്കകം ആഞ്ജനേയ വേദപാഠശാല പരിസരത്ത് സിനിമാ സീരിയല് നിര്മ്മാതാവ് ദിനേശ് പണിക്കര് ഭദ്രദീപം കൊളുത്തി ഉദ്ഘാടനം ചെയ്തു.
കോട്ടയ്ക്കകം ആഞ്ജനേയ വേദപാഠശാല പരിസരത്ത് അഞ്ചാമത് അനന്തപുരി ഹിന്ദു മഹാസമ്മേളനത്തിന്റെ സ്വാഗതസംഘ കാര്യാലയത്തിന്റെ ഉദ്ഘാടനം സിനിമാ സീരിയല് നിര്മ്മാതാവ് ദിനേശ് പണിക്കര് നിര്വ്വഹിക്കുന്നു. കരമന ജയന്, രാജശേഖരന്, പി. അശോക് കുമാര്, എം. ഗോപാല് തുടങ്ങിയവര് സമീപം
പി. അശോക് കുമാര് അദ്ധ്യക്ഷ വഹിച്ച യോഗത്തില് രഞ്ജിത്ത് കാര്ത്തികേയന്, അഗസ്ത്യകൂടം ക്ഷേത്രയോഗം പ്രസിഡന്റ് ആര്. ജയകുമാരന് നായര്, രാജശേഖരന് നായര്, കരമന ജയന്, കൗണ്സിലര്മാരായ ആര്. സുരേഷ്, മായാ രാജേന്ദ്രന് എന്നിവര് സംസാരിച്ചു. യോഗത്തില് കെ. രാജശേഖരന് സ്വാഗതവും എം. ഗോപാല് നന്ദിയും പറഞ്ഞു.
അനന്തപുരി ഹിന്ദുധര്മ്മ പരിഷത്തിന്റെ ആഭിമുഖ്യത്തില് സംഘടിപ്പിക്കുന്ന ഹിന്ദു മഹാ സമ്മേളനത്തിന്റെ പ്രധാനമുദ്രാവാക്യം രാജ്യരക്ഷയ്ക്ക് സുസംഘടിതമായ ഹിന്ദു വോട്ട് ബാങ്ക് എന്നതാണ്. സമ്മേളനത്തോടനുബന്ധിച്ച് സംഘടിപ്പിക്കുവാന് നിശ്ചയിച്ചിട്ടുള്ള പ്രാദേശിക മേഖലാ സമ്മേളനങ്ങള് ഇക്കൊല്ലത്തെ പ്രത്യേകതയായിരിക്കും.
