ചക്കരക്കല്ല്: ആസന്നമായ നിയമസഭാ തെരഞ്ഞെടുപ്പില് കേരളത്തില് കോണ്ഗ്രസ് മാര്ക്സിസ്റ്റ് മുന്നണികള്ക്ക് ജനങ്ങള് കനത്ത താക്കീത് നല്കുമെന്ന് ബിജെപി ദേശീയസമിതിയംഗം പി.കെ.കൃഷ്ണദാസ് പ്രഖ്യാപിച്ചു. കേരളപ്പിറവിക്ക് ശേഷം ഇരുമുന്നണികളും കേരളത്തിന്റെ ഖജനാവ് മാറിമാറി കൊള്ളയടിച്ചു. 25 വര്ഷം ഭരിച്ച, ഇപ്പോഴും ഭരിക്കുന്ന പാര്ട്ടിയാണ് ജനരക്ഷായാത്ര നടക്കുന്നത്. വി.എം.സുധീരന്റെ ഈ യാത്ര കേരളത്തിലെ കോണ്ഗ്രസ്സുകാര് പോലും തള്ളിക്കൊണ്ടിരിക്കുകയാണ്. എ, ഐ ഗ്രൂപ്പുകളില് നിന്ന് കേരളത്തെ രക്ഷിക്കണമെന്ന് പറഞ്ഞാണ് സുധീരന്റെ യാത്ര. സിപിഎമ്മിന്റെ നേതൃത്വത്തിലും നീണ്ടകാലം കേരളം ഭരിച്ചു. അവരാണ് ഇപ്പോള് നവകേരള യാത്ര നടത്തുന്നത്. ഇവരുടെ യാത്രകള് കേരളീയ സമൂഹം അവഗണനയോടെയാണ് കാണുന്നത്. ഇരുമുന്നണികളുടെയും ഭരണത്തില് നമ്മുടെ കാര്ഷികവ്യാപാര രംഗം മുച്ചൂടും തകര്ന്നുകഴിഞ്ഞു. തൊഴിലില്ലായ്മ വര്ദ്ധിച്ചു. പീഡനങ്ങള് കൂടി. വിദ്യാഭ്യാസരംഗം അരക്ഷിതാവസ്ഥ നേരിടുകയാണ്. അന്നത്തിനും ഭൂമിക്കും വേണ്ടി വിവിധ വിഭാഗങ്ങള് സമരം ചെയ്യുന്നു. കേരളത്തിലെ യുഡിഎഫ്, എല്ഡിഎഫ് മുന്നണികളില് നിന്ന് ഒരു മോചനത്തിനായും കേരളത്തില് ശക്തമായ രാഷ്ട്രീയ പരിവര്ത്തനത്തിന് വേണ്ടിയുമാണ് ആറന്മുളയുടെയും നിലയ്ക്കലിന്റെയും സമരനായകന് കുമ്മനം രാജശേഖരന് നയിക്കുന്ന കേരളവിമോചനയാത്ര.
ബിജെപി ധര്മ്മടം നിയോജക മണ്ഡലം കണ്വെന്ഷന് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലാ വൈസ് പ്രസിഡണ്ട് പി.സത്യപ്രകാശന് മാസ്റ്റര്, എ.ഒ.രാമചന്ദ്രന് തുടങ്ങിയവര് സംസാരിച്ചു.
