അടിമാലി: വംശനാശ ഭീഷണി നേരിടുന്ന ജീവിയാണ് വരയാട്. ഈ വരയാടുകള് കേരളത്തില് ഏറ്റവും കൂടുതലുള്ളത് മൂന്നാര് ഇരവികുളം നാഷണല് പാര്ക്ക് സ്ഥിതി ചെയ്യുന്ന രാജമലയിലാണ്. വരയാടുകളുടെ പ്രജനനകാലമായ ഫെബ്രുവരി-മാര്ച്ച് മാസങ്ങള് സന്ദര്ശകര്ക്ക് വിലക്കുണ്ട്. മൂന്നാറില് നിന്നും മറയൂര് റോഡില് കന്നിമലയ്ക്ക് ശേഷമാണ് ഇരവികുളം നാഷണല് പാര്ക്കിന്റെ ഭാഗമായ രാജമല. പെട്ടിമുടി റോഡില് 2 കിലോമീറ്റര് യാത്രചെയ്താല് വരയാടുകളുടെ കേന്ദ്രത്തില് എത്താം. 97 ചതുരശ്രകിലോമീറ്ററോളം വിസ്തൃതിയുണ്ട്. കഴിഞ്ഞ വാര്ഷിക കണക്കെടുപ്പ് 894നും 900 ഇടയ്ക്ക് വരയാടുകളാണ് രാജമലയില് ഉള്ളതെന്നാണ് കണക്ക്. രാജമലയില് എത്തുന്ന സന്ദര്ശകര്ക്ക് വിപുലമായ സൗകര്യങ്ങളാണ് വനംവകുപ്പ് ഏര്പ്പെടുത്തിയിട്ടുള്ളത്. രാജമല ജംഗ്ഷനില് നിന്നും പാസ്സ് എടുക്കുന്നവരെ ഡിറ്റിപിസി യുടെ വാഹനങ്ങളില് രാജമലയിലും സന്ദര്ശനത്തിന് ശേഷം തിരികെയും എത്തിക്കും. പാസ് എടുക്കുന്നതിന് ഓണ്ലൈന് സംവിധാനവും ഇപ്പോള് ഏര്പ്പെടുത്തിയിട്ടുണ്ട്. പ്ലാസ്റ്റിക് നിരോധിത മേഖലയില് ആഹാര സാധനങ്ങള്ക്കും നിയന്ത്രണമുണ്ട്. ദൈനംദിനം 2800നും 3000ത്തിനും ഇടയില് സന്ദര്ശകരെത്തുന്നുണ്ട്. ലോകത്തിന്റെ വിവിധ ഭാഗങ്ങളില് നിന്നും നിരവധിപ്പേര് എത്തുന്നു. രാജമലയിലെ വരക്കെ
ക്കട്ടുകളില് നിന്നുള്ള വീദൂര കാഴ്ച്ചകളും, സുഖ ശീതള കാലാവസ്ഥയും ഇളം കാറ്റുമെല്ലാം സഞ്ചാരികള്ക്ക് ഉന്മേഷം പകരും. രാജമലയിലൂടെ കാല്നടയായി സഞ്ചരിച്ചാല് കേരളത്തിലെ ആദ്യ ഗോത്രവര്ഗ പഞ്ചായത്തായ ഇടമലക്കുടിയിലെത്താം. രാജമലയില് വനംവകുപ്പ് കാമറകള് സ്ഥാപിച്ചിട്ടുണ്ട്. ഓരോ വര്ഷവും വരയാടുകളുടെ കണക്കെടുപ്പും നടക്കുന്നു. മൂന്നാറിലെത്തുന്ന സഞ്ചാരികളുടെ ഇഷ്ട വിനോദ കേന്ദ്രമാണ് ഇവരികുളം നാഷണല് പാര്ക്കും രാജമലയും.
