തിരുവനന്തപുരം: ക്ഷീരവികസന വകുപ്പ് തിരുവനന്തപുരം ജില്ലാ ഗുണനിയന്ത്രണ വിഭാഗത്തിന്റെയും, നെടുമങ്ങാട് ബ്ലോക്ക് ക്ഷീരവികസന ഓഫീസിന്റെയും മുണ്ടേല ക്ഷീരോത്പാദക സഹകരണ സംഘത്തിന്റെയും സംയുക്താഭിമുഖ്യത്തില് സംഘത്തിലെ ക്ഷീരോത്പാദകരെയും ഉപഭോക്താക്കളെയും ഉള്പ്പെടുത്തി ഇന്ന് രാവിലെ 10 മുതല് ഉച്ചയ്ക്ക് 1 വരെ മുണ്ടേല എന്എസ്എസ് ഹാളില് പാല് ഗുണനിലവാര ബോധവത്ക്കരണ പരിപാടി നടത്തും. ഉത്പാദകര്ക്ക് നിലവിലുള്ളതിനെക്കാള് കൂടുതല് വില, ഉപഭോക്താവിന് ഗുണമേയുള്ള പാല്, എന്നീ ലക്ഷ്യത്തോടുകൂടി നടപ്പിലാക്കുന്ന പ്രസ്തുത പരിപാടിയില് ക്ഷീരവികസന വകുപ്പിലെ സാങ്കേതിക വിദഗ്ധര് ക്ലാസുകള് നയിക്കും. രാവിലെ 6.30 മുതല് ഉത്പാദകര്ക്ക് അളക്കുന്ന പാലിന്റെ ഗുണനിലവാരം നേരിട്ട് പരിശോധിച്ച് ബോധ്യപ്പെടുന്നതിനും, ഉപഭോക്താക്കള്ക്ക്, ഉപയോഗിക്കുന്ന ഏത് പാലിന്റെയും സാമ്പിള് ഉപയോഗിച്ച് ഗുണനിലവാരം മനസ്സിലാക്കുന്നതിനും ഉള്ള അവസരം ഉണ്ടായിരിക്കുന്നതാണ്.
പാല് ഗുണനിലവാര ബോധവത്ക്കരണ പരിപാടി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.