ലണ്ടന്: നേതാജി സുബാഷ് ചന്ദ്രബോസ് മരിച്ചത് വിമാനാപകടത്തിലാണെന്ന് സ്ഥിരീകരിക്കുന്ന റിപ്പോര്ട്ടുമായി ബ്രിട്ടീഷ് വെബ്സൈറ്റ് രംഗത്ത്. രഹസ്യാന്വേഷണ റിപ്പോര്ട്ടുകളുടെ അടിസ്ഥാനത്തില് ബ്രിട്ടീഷ് വെബ്സൈറ്റായ www.bosefiles.info ആണ് മുന്നോട്ട് വന്നിരിക്കുന്നത്.
1945 ആഗസ്റ്റ് 18നാണ് സുഭാഷ് ചന്ദ്രബോദ് തായ്വാനില് വച്ച് വിമാനാപകടത്തില് മരിച്ചതെന്ന് റിപ്പോര്ട്ടില് പറയുന്നു. ഇതിന് സാക്ഷികളായ നിരവധിപേരുടെ വിവരണങ്ങളും റിപ്പോര്ട്ടിനൊപ്പം ചേര്ത്തിട്ടുണ്ട്. നേതാജിയുടെ മരണത്തെക്കുറിച്ചുള്ള ദുരൂഹതകള് നീക്കുന്ന റിപ്പോര്ട്ടാണ് 70 വര്ഷങ്ങള്ക്കു ശേഷം പുറത്തുവിടുന്നതെന്ന് വെബ്സൈറ്റ് അവകാശപ്പെടുന്നു.
വിയറ്റ്നാമിലെ ടൂറന് വിമാനത്താവളത്തില് നിന്നാണ് ജപ്പാന്വ്യോമസേനയുടെ വിമാനം പറന്നുയര്ന്നത്. ജപ്പാന് തലസ്ഥാനമായ ടോക്കിയോ ആയിരുന്നു ലക്ഷ്യം. എന്നാല് സാങ്കേതിക തകരാര് കാരണം വിമാനം യാത്രാമധ്യേ തകരുകയായിരുന്നു. നേതാജിയെക്കൂടാതെ പതിമൂന്നോളം പേരും പൈലറ്റും വിമാനത്തില് ഉണ്ടായിരുന്നു. ജപ്പാന് കരസേനയിലെ ലഫ്. ജനറല് സുനാമാഷ സിദയ് ആണ് ഒപ്പമുണ്ടായിരുന്നവരില് പ്രമുഖന്.
എന്നാല് വെളിപ്പെടുത്തലിന്റെ ആധികാരികതയെക്കുറിച്ച് ബ്രിട്ടീഷ് സര്ക്കാരോ ഔദ്യോഗിക കേന്ദ്രങ്ങളോ ഇതുവരെ പ്രതികരിച്ചിട്ടില്ല.
