ന്യൂദല്ഹി: പത്താന്കോട് വ്യോമസേനാ താവളത്തില് ആക്രമണം നടത്തിയ ഭീകരരുടെ പാക് ബന്ധം വ്യക്തമാക്കുന്ന കൂടുതല് തെളിവുകള് ഭാരതം പാക്കിസ്ഥാന് കൈമാറി.
ഭീകരാക്രമണം നടത്തിയവര്ക്ക് എതിരെ ഉടന് ശക്തമായ നടപടിയെടുത്തില്ലെങ്കില് വിദേശകാര്യ സെക്രട്ടറി തല ചര്ച്ചകള് ഉപേക്ഷിക്കുമെന്ന് ഭാരതം വ്യക്തമാക്കി. പന്ത് ഇപ്പോള് പാക്കിസ്ഥാന്റെ കളത്തിലാണ്. വിദേശകാര്യവക്താവ് വികാസ് സ്വരൂപ് പറഞ്ഞു. അതേസമയം ജെയ്ഷെ മുഹമ്മദിനെതിരെ നടപടി എടുക്കാന് പ്രധാനമന്ത്രി നവാസ് ഷെരീഫ് ആവശ്യപ്പെട്ടതായി റിപ്പോര്ട്ടുകളുണ്ട്.
പാക്കിസ്ഥാന് അടക്കമുള്ള അയല്രാജ്യങ്ങളുമായി ഭാരതം നല്ല ബന്ധമാണ് ആഗ്രഹിക്കുന്നത്. എന്നാല് അതിര്ത്തി കടന്നുള്ള ഭീകരപ്രവര്ത്തനം ഭാരതം സഹിക്കില്ല. തല്ക്കാലം അതില്ക്കൂടുതലൊന്നും പറയാനാവില്ല. വിദേശകാര്യവക്താവ് വികാസ് സ്വരൂപ് പറഞ്ഞു.
അതിനിടെ ഭീകരാക്രമണം നടത്തിയവര്ക്ക് എതിരെ ഭാരതം ശക്തമായ നടപടി ആവശ്യപ്പെട്ട സാഹചര്യത്തില് പാക്കിസ്ഥാനില് ഉന്നത തലയോഗം ചേര്ന്നു. പ്രധാനമന്ത്രി നവാസ് ഷെരീഫിന്റെ അധ്യക്ഷതവഹിച്ചു.ഭാരതം കൈമാറിയ തെളിവുകള് യോഗം ചര്ച്ച ചെയ്യുന്നുണ്ട്. അതേസമയം ജെയ്ഷെ മുഹമ്മദിനെതിരെ നടപടി എടുക്കാന് പ്രധാനമന്ത്രി നവാസ് ഷെരീഫ് യോഗത്തില് ആവശ്യപ്പെട്ടതായി റിപ്പോര്ട്ടുകളുണ്ട്.
