പ്രകൃതിയുടെ അനുഗ്രഹം ഏറെ ലഭിച്ച ഭൂപ്രദേശമാണ് ഇടുക്കി. തേയില വിളയുന്ന മൂന്നാറും ശര്ക്കര പാടങ്ങളും ചന്ദനക്കാടുകളുമുള്ള മറയൂരും ക്യാരറ്റും ആപ്പിളും വിളയുന്ന കാന്തല്ലൂരും ഇടുക്കിഡാമും ചീയപ്പാറ വെള്ളച്ചാട്ടവും വാഗമണ്ണിലെ മൊട്ടക്കുന്നുകളും…എണ്ണിയാലൊടുങ്ങാത്തത്ര സുന്ദരമായ പ്രദേശങ്ങള് ജില്ലയിലുണ്ട്. മനംകുളില്ക്കുന്നതും വിസ്മയ കാഴ്ചയൊരുക്കുന്നതുമായ ഇടുക്കിയുടെ വിനോദ സഞ്ചാര കേന്ദ്രങ്ങളിലൂടെയുള്ള സഞ്ചാരം ഇന്ന് മുതല്…
സി.ഡി ഗോപകുമാര്
അടിമാലി: കൊച്ചി- മൂന്നാര് ദേശീയ പാതയില് അടിമാലിയ്ക്ക് സമീപത്താണ് ഏവരെയും ആകര്ഷിക്കുന്ന ചീയപ്പാറ വെള്ളച്ചാട്ടം സ്ഥിതി ചെയ്യുന്നത്. പതിറ്റാണ്ടുകള്ക്ക് മുമ്പ് മുതല് ടൂറിസം ഭൂപടത്തില് ഇടം നേടിയ നയന മനോഹരമായ വെള്ളച്ചാട്ടമാണിത്. പാതയോരത്ത് നിന്ന് ഏറ്റവും അടുത്ത് കാണാവുന്ന വെള്ളച്ചാട്ടങ്ങളില് പ്രമുഖ സ്ഥാനവും, പ്രധാന്യവും ഈ വെള്ളച്ചാട്ടത്തിനുണ്ട്. പുഴയിലെ ചെങ്കുത്തായ പാറയില് നിന്നും 200ല് പരം അടിയോളം ഉയരത്തില് നിന്ന് പാല്നുരപോലെ പതഞ്ഞ്പതിക്കുന്ന വാളറക്കുത്തിന്റെ ദൃശ്യഭംഗി പറഞ്ഞറിയിക്കാവുന്നതിനും അപ്പുറമാണ്. സീസണില് ആയിരക്കണക്കിന് സഞ്ചാരികളാണ് വാളറയുടെ ഭംഗി നുകര്ന്ന് മൂന്നാറിലേക്ക് വണ്ടികയറിക്കൊണ്ടിരുന്നത്. ഏറെ ശ്രദ്ധേയമായിട്ടും വാളറക്കുത്തിനെ സംരക്ഷിച്ച് നിര്ത്തുവാനോ വിനോദസഞ്ചാരികള്ക്ക് ഏറെ ആസ്വാദ്യകരമായ രീതിയിലാക്കുന്നതിനോ അധികൃതര് ശ്രദ്ധിക്കുന്നില്ല. തൊട്ടടുത്തുതന്നെയുള്ള ചീയപ്പാറ വെള്ളച്ചാട്ടത്തിന് കൊടുക്കുന്ന പരിഗണന വാളറക്കുത്തിന് ലഭിക്കുന്നില്ല. വാളറക്കുത്തിന്റെ പാതയോരത്ത് നിന്നുള്ള മാലിന്യങ്ങള് പുഴയിലേക്ക് വലിച്ചെറിയുന്നത് മൂലം പ്രദേശം പലപ്പോഴും ദുര്ഗന്ധപൂരിതമാണ്. ഇതിനാല് വിനോദ സഞ്ചാരികള് ഇവിടെ തങ്ങാറില്ല. ഈ ഭാഗത്ത് വിനോദസഞ്ചാരികള്ക്ക് യാതൊരുവിധ സൗകര്യങ്ങളും ലഭിക്കുന്നില്ലെന്ന് മാത്രമല്ല വിശ്രമിക്കുന്നതിനോ സൗകര്യമൊരുക്കിയിട്ടില്ല. പാതയോരത്ത് നില്ക്കുന്ന വിനോദസഞ്ചാരികള് അസൗകര്യങ്ങള് മൂലം ട്രാഫിക് പ്രശ്നങ്ങള് ഉണ്ടാകുന്നതിനോപ്പം നിരവധി അപകടങ്ങളും വിളിച്ച് വരുത്തുന്നു. പ്രാഥമികാവശ്യങ്ങള് ചെയ്യുന്നതിനുള്ള സൗകര്യവും അധികൃതര് ഒരുക്കിയിട്ടില്ല എന്നതാണ് സത്യം. സര്ക്കാര് സംവിധാനവും ജില്ല ടൂറിസ
ം പ്രമോഷന് കൗണ്സിലും കൈകോര്ത്താല് വാളറയില് എത്തുന്ന സഞ്ചാരികളുടെ എണ്ണത്തില് വന് വര്ദ്ധനയുണ്ടാകും. (തുടരും)
