തൊടുപുഴ: നഗരസഭ 16-ാം വാര്ഡുസഭായോഗത്തില് പട്ടികജാതി സംവരണ കൗണ്സിലറായ ടികെ അനില്കുമാറിനാണ് സിപിഎം-ഡിവൈഎഫ്ഐ പ്രവര്ത്തകര് ഉടുതുണി ഉരിഞ്ഞു മര്ദിച്ചത്. മര്ദ്ദനത്തെ തുടര്ന്ന് യുഡികൗണ്സിലര് തൊടുപുഴ താലൂക്കാശുപത്രിയില് ചികിത്സയിലാണ്. 4 സിപിഎം പ്രവര്ത്തകര്ക്കെതിരെ പോലിസ് കേസെടുത്തു. സംഭവത്തെ തുടര്ന്ന് വാര്ഡുസഭയോഗത്തില് എത്തിയ നൂറിലധികം സ്ത്രീകള് ഭയപ്പെട്ട് പുറത്തിറങ്ങിയോടി. 14-ാം വാര്ഡില് നിന്നും എത്തിയ സിപിഎം പ്രവര്ത്തകരാണ് കൗണ്സിലറെ മര്ദിച്ചതെന്നാണ് വാര്ഡ്സഭയോഗത്തില് എത്തിയവര് പറയുന്നത്. പ്രൈമിനിസ്റ്റര് ആവാസ് യോജനയുടെ ലിസ്റ്റ് കൗണ്സിലര് വാര്ഡ് സഭയില് വായിച്ചു. കുടുംബശ്രി പ്രവര്ത്തകര് തയ്യാറാക്കിയ ലിസ്റ്റാണ് കൗണ്സിലര് വായിച്ചത്. ഇതിന്റെ പകര്പ്പ് വേണമെന്ന് സിപിഎം പ്രവര്ത്തകര് ആവശ്യപ്പെട്ടു. ലിസ്റ്റിന്റെ യഥാര്ഥമായ കോപ്പിയാണു കയ്യിലുള്ളതെന്നും നാളെ നഗരസഭയില് എത്തിയാല് രാവിലെ തന്നെ കോപ്പി നല്കാമെന്ന് നഗരസഭ കോര്ഡിനേറ്റര് ടി പി ബൈജു സിപിഎം പ്രവര്ത്തകരെ അറിയിച്ചു. പിന്നിടാണ് കൗണ്സിലറെ സിപിഎം പ്രവര്ത്തകര് വളഞ്ഞുവച്ച് മുണ്ട് പറിക്കുകയും ശാരീരികമായി ഉപദ്രവിക്കുകയും ചെയ്തത്. ഈ സംഭവമറിഞ്ഞെത്തിയ മറ്റൊരു ലീഗ് കൗണ്സിലറെയും കയ്യേറ്റം ചെയ്യാന് ശ്രമിക്കുകയും ചെയ്തു. തൊടുപുഴ പോലിസെത്തിയാണ് സ്ഥിതിഗതികള് ശാന്തമാക്കിയത്.
വാര്ഡുസഭായോഗത്തില് ലീഗ് കൗണ്സിലര്ക്ക് മര്ദ്ദനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.