കൊയിലാണ്ടി: കൊയിലാണ്ടിക്ക് ഉത്സമേളം സമ്മാനിച്ച റവന്യൂ ജില്ലാ സ്കൂള് കലോത്സവത്തിന് ഇന്ന് കൊടിയിറങ്ങും. കലോത്സവത്തിന്റെ സമാപനദിവസമായ ഇന്ന് മത്സരങ്ങളുടെ ഫലം പൂര്ണ്ണമായും പുറത്തുവരുന്നതോടെ ജില്ലയുടെ കലാകിരീടത്തിന്റെ അധിപതികള് ആരാകുമെന്ന് അറിയാനാകും. മത്സരങ്ങള് രാത്രി വൈകിയും നടക്കുന്നതിനാല് രാപ്പകലുകളില്ലാത്ത അവസ്ഥയാണ്.
കലോത്സവത്തിന്റെ നാലാം ദിവസമായ ഇന്നലെ നടന്ന മത്സരഇനങ്ങളുടെ ഫലം പുറത്തുവന്നപ്പോള് ബാലുശ്ശേരി, കൊയിലാണ്ടി, ചേവായൂര് ഉപജില്ലകള് കിരീടത്തിനുള്ള കുതിപ്പ് തുടരുകയാണ്.
യുപി വിഭാഗത്തില് 111 പോയിന്റുനേടി ബാലുശ്ശേരി ഉപജില്ലയാണ് ഒന്നാമത്. 105 പോയിന്റോടെ പേരാമ്പ്ര രണ്ടാംസ്ഥാനത്തുണ്ട്. 99 പോയിന്റോടെ കൊയിലാണ്ടി മൂന്നാം സ്ഥാനത്തുണ്ട്.
ഹൈസ്കൂള്വിഭാഗത്തില് 261 പോയിന്റ് നേടി കൊയിലാണ്ടിയാണ് ഒന്നാമത്. 241 പോയിന്റോടെ കോഴിക്കോട് സിറ്റി ഉപജില്ലാ രണ്ടാം സ്ഥാനത്തുണ്ട്. 223 പോയിന്റോടെ ചേവായൂര് മൂന്നാം സ്ഥാനത്താണ്. ഹയര്സെക്കണ്ടറി വിഭാഗത്തില് 305 പോയിന്റോടെ ചേവായൂരാണ് ഒന്നാം സ്ഥാനത്ത്. 301 പോയിന്റോടെ കോഴിക്കോട് സിറ്റി രണ്ടാം സ്ഥാനത്തും 287 പോയിന്റോടെ കൊയിലാണ്ടി മൂന്നാം സ്ഥാനത്തുണ്ട്.
ജനറല് യൂപി വിഭാഗത്തില് 25 മത്സര ഇനങ്ങള് പൂര്ത്തിയായപ്പോള് വടകര സെന്റ് ആന്റണീസ് ജിഎച്ച്എസ് 40 പോയിന്റോടെ ഒന്നാം സ്ഥാനത്തുണ്ട്. ഹൈസ്കൂള് വിഭാഗത്തില് മേമുണ്ട എച്ച്എസ്എസ് 115 പോയിന്റ് നേടി ഒന്നാം സ്ഥാനത്തും ഹയര്സെക്കണ്ടറി വിഭാഗത്തില് സില്വര്ഹില്സ് എച്ച്എസ്എസ് 179 പോയിന്റോടെ ഒ ന്നാം സ്ഥാനത്തുമുണ്ട്.
സംസ്കൃതോത്സവത്തി ല് യുപി വിഭാഗത്തില് 88 പോയിന്റോടെ പേരാമ്പ്രയും മേലടിയും ഒന്നാംസ്ഥാനത്തുണ്ട്. 84 പോയിന്റോടെ ചോമ്പാലയാണ് രണ്ടാംസ്ഥാനത്ത്. 80 പോയിന്റോടെ കൊയിലാണ്ടി മൂന്നാം സ്ഥാനത്തുണ്ട്.
ഹൈസ്കൂള് വിഭാഗത്തില് കോഴിക്കോട് സിറ്റി 75 പോയിന്റോടെ ഒന്നാം സ്ഥാനത്തും കൊയിലാണ്ടി ഉപജില്ല 74 പോയിന്റോടെ രണ്ടാം സ്ഥാനത്തും 71 പോയിന്റോടെ തോടന്നൂര് മൂന്നാം സ്ഥാനത്തുമുണ്ട്.
അറബിക് സാഹിത്യോത്സവം യുപി വിഭാഗത്തില് മത്സരങ്ങള് പൂര്ത്തിയായപ്പോള് 61 പോയിന്റോടെ ഫറോക്ക്, വടകര ഉപജില്ലകള് കിരീടം ചൂടി. 59 പോയിന്റോടെ കൊയിലാ ണ്ടി, നാദാപുരം ഉപജില്ലകള് രണ്ടാം സ്ഥാനത്തെത്തി. ഹൈസ്കൂള് വിഭാഗത്തില് 81 പോയിന്റോടെ കൊടുവള്ളി, ഫറോക്ക് ഉപജില്ലകള് ഒന്നാം സ്ഥാനത്തുണ്ട്. 78 പോയിന്റോടെ വടകര രണ്ടാം സ്ഥാനത്തും 77 പോയിന്റോടെ തോടന്നൂര് മൂന്നാം സ്ഥാനത്തുമാണ്.
