കോട്ടയം: രാജീവ്ഗാന്ധി ഇന്സ്റ്റിറ്റിയൂട്ട് ഓഫ് ടെക്നോളജി എഐസിസി അദ്ധ്യക്ഷയും എംപിയുമായ സോണിയാഗാന്ധി രാഷ്ട്രത്തിന് സമര്പ്പിച്ചു. 1991-ല് സംസ്ഥാന സര്ക്കാര് സംരംഭമായി പ്രവര്ത്തനമാരംഭിച്ച ആര്ഐടിയുടെ സില്വര്ജൂബിലി ആഘോഷവും അവര് ഉദ്ഘാടനം ചെയ്തു. ഐടി മേഖലയില് ഭാരതത്തെ മുന്നോട്ടുനയിച്ച ഭരണാധികാരിയായിരുന്നു രാജീവ്ഗാന്ധിയെന്ന് സോണിയാപറഞ്ഞു. റയില്വേ കമ്പ്യൂട്ടര് വത്കരണമടക്കമുള്ള നടപടികള് ഇതിന്റെ ഭാഗമായിരുന്നു. ഡിജിറ്റല് ഇന്ത്യ പദ്ധതിയും രാജീവ് ഗാന്ധിയുടെ വീക്ഷണത്തില്നിന്നുമുണ്ടായതാണെന്നും ആവര് അവകാശപ്പെട്ടു. അന്ന് അതിനെ എതിര്ത്തവര് ഇന്നതിന്റെ വ്യക്തക്കാളായിമാറിയെന്നും സോണിയഗാന്ധി പറഞ്ഞു.
മുഖ്യമന്ത്രി ഉമ്മന് ചാണ്ടി ചടങ്ങില് അദ്ധ്യക്ഷത വഹിച്ചു. ഒരു എംപി മാത്രമായ സോണിയാഗാന്ധി ഉദ്ഘാടനം ചെയ്യുന്ന ചടങ്ങില് മുഖ്യമന്ത്രി എങ്ങനെ അദ്ധ്യക്ഷനാകുമെന്ന് ചിലര് ചോദിച്ചിരുന്നു. അതിനുള്ള മറുപടി ഈ ചടങ്ങ് ജനതാത്പര്യത്തിന്റെ അടിസ്ഥാനത്തിലുള്ള തീരുമാനമാണെന്നതാണ്. സംസ്ഥാന സര്ക്കാര് രാജ്യത്താദ്യമായി രാജീവ് ഗാന്ധിക്ക് സ്മാരകമായി ഒരു കോളേജ് പാമ്പാടിയില് തുടങ്ങാന് തീരുമാനിച്ചപ്പോള്തന്നെ അത് സോണിയാഗാന്ധിയെക്കൊണ്ട് ഉദ്ഘാടനം ചെയ്യിക്കണമെന്ന് ജനങ്ങള് ആവശ്യപ്പെട്ടതാണ്. അതാണിപ്പോള് സാക്ഷാത്കരിക്കപ്പെട്ടിരിക്കുന്നതെന്നും അദ്ദേഹം പറഞ്ഞു.
മന്ത്രിമാരായ തിരുവഞ്ചൂര് രാധാകൃഷ്ണന്, അബ്ദുള് റബ്ബ്, വി.കെ. ഇബ്രാഹിംകുഞ്ഞ്, ജോസ് കെ. മാണി എംപി, എംഎല്എമാരായ കെ.എം. മാണി, കെ. സുരേഷ്കുറുപ്പ്, സാങ്കേതികവിദ്യാഭ്യാസ ഡയറക്ടര് ഡോ. വിജയകുമാര് കെ., പിറ്റിഎ പ്രസിഡന്റ് റ്റി. ശശികുമാര്, ഡോ. ആര്. ശശികുമാര് തുടങ്ങിയവര് പ്രസംഗിച്ചു. പ്രിന്സിപ്പല് ഡോ. റൂബി എബ്രഹാം സ്വാഗതവും ആഘോഷസമിതി ജനറല് കണ്വീനര് ഡോ. ബിനോ ഐ. കോശി നന്ദിയും പറഞ്ഞു.
