കോട്ടയം: സംസ്ഥാന ചലച്ചിത്ര അവാര്ഡ് വിതരണ ചടങ്ങ് സംഘാടക പിഴവിന്റെ ഉത്തമ ഉദാഹരണമായി മാറി. അവാര്ഡ് ജേതാക്കള്ക്കടക്കമുള്ളവര്ക്ക് സീറ്റു പോലും ലഭിക്കാത്ത അവസ്ഥയായിരുന്നു. മികച്ച നടനുള്ള അവാര്ഡ് കരസ്തമാക്കിയ നിവിന്പോളിക്ക് സീറ്റ് തരപ്പെടുത്താന് ഏറെ ക്ലേശിക്കേണ്ടി വന്നു. ഒടുവില് ആര്യാടന് ഷൗക്കത്ത് സ്വന്തം സീറ്റ് ഒഴിഞ്ഞു കൊടുക്കുകയായിരുന്നു. മലയാള സിനിമയിലെ മുതിര്ന്ന കലാകാരനായ നടന് ഇന്ദ്രന്സിനും ഇതേ ദുര്ഗതി തന്നെയായിരുന്നു. മറ്റാര്ക്കോ ലേബല് ഒട്ടിച്ച് നീക്കിയിട്ടിരുന്ന കസേരയില് ലേബല് കീറിയതിന് ശേഷം അദ്ദേഹത്തിന് കൊടുക്കുകയായിരുന്നു. പോലീസ് പരേഡ് ഗ്രൗണ്ടില് പ്രത്യേകം തയ്യാറാക്കിയ പന്തലില് പാസുമായി എത്തിയവര്ക്കുപോലും പ്രവേശിക്കാന് കഴിഞ്ഞില്ല. വൈകിട്ട് അഞ്ച് മണിക്കു മുമ്പ് തന്നെ സ്റ്റേഡിയം നിറഞ്ഞു കവിഞ്ഞിരുന്നു. നൂറു കണക്കിന് ആളുകള് പാസുമായി എത്തിയെങ്കിലും പരിപാടി സ്ഥലത്തേക്ക് കടക്കാനാവാതെ വിഷമിച്ചു. സിറ്റിംഗ കപ്പാസിറ്റിയേക്കള് കൂടുതല് പാസ് വിതരണം ചെയ്തതാണ് പ്രശ്നങ്ങള്ക്ക് ഇടയാക്കിയത്. സ്റ്റേഡിയത്തിന് ഉള്ളിലുള്ളതിനേക്കാള് ഇരട്ടിയിലധികം ആള്ക്കാര് പാസുമായി വെളിയില് കാത്തു നിന്നു. പ്രവേശനം ലഭിക്കാതായപ്പോള് ബഹളവും കൂക്കുവിളികളുമുയര്ന്നു. അവാര്ഡ് സമര്പ്പിക്കാനായി ജേതാക്കളെ ക്ഷണിക്കുമ്പോള് ഇവര് ഏത് വഴിയാണ് വേദിയില് എത്തുക എന്നതില് പോലും സംഘാടകര്ക്ക് ധാരണ ഉണ്ടായിരുന്നില്ല. ആള്ക്കൂട്ടത്തിനിടയില് നിന്നും ഏറെ കഷ്ടപ്പെട്ടാണ് ഇന്ദ്രന്സ് അടക്കമുള്ള കലാകാരന്മാര് അവാര്ഡ് ഏറ്റുവാങ്ങാന് വേദിയില് എത്തിയത്.
സംഘാടക പിഴവ് വ്യക്തമാക്കിയ താരനിശ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.