കൊല്ലം: ഭാരതത്തില് ഇപ്പോള് നടക്കുന്ന അസഹിഷ്ണുത പ്രയോഗങ്ങള്ക്ക് പിന്നില് വന്ഗൂഡാലോചനയുണ്ടെന്ന് കേരളപുരം ആനന്ദധാമാശ്രമം മഠാധിപധി സ്വാമി ബോധേന്ദ്രതീര്ത്ഥ പറഞ്ഞു.
ആര്എസ്എസ് കൊല്ലം മഹാനഗരത്തിന്റെ പ്രാഥമിക ശിക്ഷാവര്ഗ് നീരാവില് എസ്എന്ഡിപി എച്ച്എസ്എസില് ഉദ്ഘാടനം ചെയ്ത് സംസാരിക്കുകായിരുന്നു സ്വാമി.
യാതൊരു ആയുധബലമോ സാമ്പത്തികശേഷിയോ ഇല്ലാത്ത കാലത്ത് ചിക്കാഗോയില് പ്രസംഗത്തിനെത്തിയ സ്വാമി വിവേകാനന്ദനെ അവിടെ കൂടിയവര് ഇരുകൈകളും നീട്ടി സ്വീകരിക്കുകയും ബഹുമാനിക്കുകയും ചെയ്തു. അതിനുകാരണം അദ്ദേഹം പ്രതിനിധാനം ചെയ്യുന്ന മഹത്തായ പാരമ്പര്യത്തെക്കുറിച്ചും പൈതൃകത്തെയും കുറിച്ചുള്ള അറിവാണ്. അത്തരം മഹത്തരമായ പൈതൃകം നിലനില്ക്കുന്ന ഭാരതമണ്ണിനെ ഇല്ലാതാക്കാന് ശ്രമിക്കുന്നവരാണ് ഇത്തരം അസത്യമായ പ്രചരണം നടത്തുന്നതിന് പിന്നിലെന്നും പറഞ്ഞു. മതത്തിന്റെ മര്മ്മം ആത്മീയതയാണ്. മതബോധമെന്നത് ആത്മീയബോധത്തോടുകൂടിയാവണം. എന്നാല് മാത്രമേ മതം കൊണ്ട് മറ്റുള്ളവര്ക്ക് പ്രയോജനപ്പെടുകയുള്ളു. ആത്മീയബോധമില്ലാത്ത മതങ്ങളാണ് രാജ്യത്ത് തീവ്രവാദപ്രവര്ത്തനവും മറ്റും നടത്തുന്നത്. ഹൈന്ദവദര്ശനം അത്മീയതയില് ഊന്നിനില്ക്കുന്നു. അതിനാല് ശരിയായി ചിന്തിക്കുവാന് ഭാരതം മറ്റുള്ളവരെ പഠിപ്പിക്കുന്നു. പക്ഷേ ഇന്ന് നാട്ടില് അസത്യങ്ങള് പെരുകുന്നു. അതിനാല് ഇന്ന് നാടിനാവശ്യം ഓടക്കുഴല് വായിക്കുന്ന കൃഷ്ണന്മാരെയല്ല. മറിച്ച് ധര്മ്മകാഹളം മുഴക്കി തേര് തെളിക്കെണ്ടവരെയാണെന്നും സ്വാമിജി കൂട്ടിചേര്ത്തു. വ്യക്തിത്വവികസനത്തിലൂടെ സാമൂഹികനന്മക്ക് പ്രാധാന്യം നല്കി പ്രവര്ത്തിക്കുന്ന തലമുറയെ സൃഷ്ടിക്കുവാന് ആര്എസ്എസ് നടത്തുന്ന ക്യാമ്പുകളിലൂടെ കഴിയുമെന്ന് തുടര്ന്ന് സംസാരിച്ച ആര്എസ്എസ് പ്രാന്തീയ സഹസമ്പര്ക്ക പ്രമുഖ് രാജന് കരൂര് പറഞ്ഞു. വര്ഗ് അധികാരി ഗിരിധര്ലാല് കുംഭാവത്ത് അദ്ധ്യക്ഷത വഹിച്ചു. വര്ഗ് കാര്യവാഹക് പ്രശാന്ത്, ആര്എസ്എസ് വിഭാഗ് പ്രചാരക് അനീഷ്, മഹാനഗര് കാര്യവാഹ് സി.പ്രദീപ് എന്നിവര് സംസാരിച്ചു.
