സാവിത്രം പ്രാജാപത്യം, ച ബ്രാഹ്മം
ചാഥ ബൃഹത്തഥാ
വാര്ത്താ സചയ ശാലീന ശിലോഞ്ഛ
ഇതിവൈഗൃഹേ
(ശ്രീമദ് ഭാഗവതം തൃതീയസ്കന്ധം)
വിവിധ ആശ്രമങ്ങള് നിലവിലുണ്ട്. അതില് ഒന്നാമത്തേത് ബ്രഹ്മചര്യം. അതിനെതന്നെ നാലായിത്തിരിക്കാം. ഉപനയനം കഴിഞ്ഞശേഷം ഗായത്രി അദ്ധ്യയനം ചെയ്യുമ്പോള് ആദ്യത്തെ മൂന്നു ദിവസത്തെ ബ്രഹ്മചര്യവ്രതത്തിന് ‘സാവിത്രം ‘എന്നാണ് പേര്. സവിതാവ്- സൂര്യന്. സൂര്യമഹിമയെ പ്രകാശിപ്പിക്കുന്ന മന്ത്രമായതിന്നാല് ഗയത്രിക്ക് സാവിത്രി എന്നു കൂടി പേരുണ്ട്. സാവിത്രി എന്ന മന്ത്രത്തെ അഭ്യസിപ്പിയ്ക്കുന്ന വ്രതത്തിന് ‘സാവിത്രം’ എന്നു പറയുന്നു. പ്രജാപതിയെ, ബ്രഹ്മാവിനെ പ്രസാദിപ്പിക്കുന്നതിനുള്ള പ്രാജാപത്യം എന്നവ്രതത്തെ ആചരിക്കുന്ന ആദ്യ വര്ഷത്തെിന് പ്രാജാപത്യം എന്നാണ്പേര്. ബ്രഹ്മം-വേദം വേദം പഠിച്ചു കഴിയുന്നത് വരെയുള്ള ബ്രഹ്മചര്യവ്രതത്തിന് ബ്രാഹ്മ മെന്നു പറയുന്നു. മരണപര്യന്തം വേദം പഠിച്ചു കഴിയുന്ന വ്രതത്തിന് ബൃഹത് എന്നാണ് പേര്. ഈവ്രതം അനുഷ്ടിയ്ക്കുന്നവന് ‘നൈഷ്ഠിക ബ്രഹ്മചാരി എന്ന്പറയുന്നു.
ഈനാലുവിധ വ്രതവും ബ്രഹ്മചര്യാശ്രമത്തില് ണനുഷ്ഠിയ്ക്കണം. രണ്ടാമത്ഗൃഹസ്ഥം. വാര്ത്ത,സചയം, ശാലീനം,ശിലോഞ്ഛം എന്നിവ നാലുമാണ് ഗൃഹസ്ഥന്റെ വൃത്തികള്. കൃഷി, ഗോരക്ഷ,വാണിജ്യം, കുസീദം ( പണം പലിശയ്ക്ക് കൊടുക്കല് പലിശ വാങ്ങല്) എന്നതെല്ലാം ‘വാര്ത്ത’ എന്ന പേരിലുള്ള വൃത്തിയിലടങ്ങുന്നു.
വേദം പഠിപ്പിക്കുക യജിക്കുക എന്നീ പ്രവര്ത്തിയില് നിന്നും കിട്ടുന്ന ധനത്തെ സംഗ്രഹിയ്ക്കുന്നതായ വ്യാപാരത്തിന് ‘സംചയം’ എന്നാണ് പേര്. യാചിക്കാതെ കഴിയുന്ന വ്യാപാരത്തിന് ശാലീനം എന്നു പറയുന്നു. അങ്ങാടിയില് അലക്ഷ്യമായി വീണുകിടക്കുന്ന ധാന്യങ്ങളെ പെറുക്കിയെടുത്തു കഴിയുന്നത് ‘ശിലം’എന്ന വൃത്തി. കൃഷിയിടത്തില് വീണു കിടക്കുന്നത് പെറുക്കിയെടുത്തു കഴിയുന്നതിന് ഉഞ്ഛം എന്നു പറയുന്നു. ശിലവും ഉഞ്ഛവും ചേര്ത്തു പറയുന്നതിനെ ശിലോഞ്ഛം എന്നും പറയും. ഇവനാലും ഗൃഹസ്ഥന് ചെയ്യാവുന്നവയാണ്.
