കുന്നത്തൂര്: ആര്എസ്എസ് ശാസ്താംകോട്ട താലൂക്ക് മുന്കാര്യവാഹക് രതീഷിന്റെ വിയോഗവാര്ത്ത ഞെട്ടലോടെയും വേദനയോടെയുമാണ് ഗ്രാമം കേട്ടത്. സ്വയംസേവകരുടെ പ്രിയസുഹൃത്തായിരുന്നു രതീഷ്.
പടിഞ്ഞാറെ കല്ലട ഐത്തോട്ടുവ വടക്ക് വരിക്കോലില് വീട്ടില് പരേതനായ തങ്കപ്പന്പിള്ളയുടെ മകനായ രതീഷ്കുമാര്(33) കുറച്ചുനാളായി ചികിത്സയിലായിരുന്നു. കഴിഞ്ഞദിവസം പുലര്ച്ചെയാണ് മരണം സം’വിച്ചത്. ശാസ്താംകോട്ടയില് ജിംനേഷ്യം നടത്തിവന്ന രതീഷ് നാട്ടുകാര്ക്ക് പ്രിയപ്പെട്ടവനായിരുന്നു. സംസ്കാരം ഇന്ന് ഉച്ചക്ക് രണ്ടിന് വീട്ടുവളപ്പില് നടക്കും. രാവിലെ പത്തിന് ശാസ്താംകോട്ടയില് നിന്നും വിലാപയാത്ര ആരംഭിക്കും.
ഭരണിക്കാവ്, കാരാളിമുക്ക് എന്നിവടങ്ങളിലെ പൊതുദര്ശനത്തിന് ശേഷമാണ് മൃതദേഹം വീട്ടില് എത്തിക്കുക. സംസ്കാരത്തിന് ശേഷം വൈകിട്ട് അഞ്ചിന് പടിഞ്ഞാറെ കല്ലട മലയാറ്രുമുക്കില് അനുസ്മരണസമ്മേളനം സംഘടിപ്പിക്കും.
