കറുകച്ചാല് : കറുകച്ചാല്, നെടുംകുന്നം മേഖലകളിലായി ആറോളം മോഷണവും മോഷണ ശ്രമങ്ങളും കഴിഞ്ഞമാസം നടന്നു. ഇത് അധികവും ആരാധനാലായങ്ങള് കേന്ദ്രീകരിച്ചായിരുന്നു. ഇതില് ആരെയും പിടികൂടിയിട്ടില്ല.
ഈ മാസത്തില് ആരംഭത്തില് തന്നെ വീടുകള് കേന്ദ്രീകരിച്ചാണ് മോഷണ ശ്രമം നടന്നത്. കറുകച്ചാല് വെട്ടിക്കാവുങ്കല് കേന്ദ്രീകരിച്ചായിരുന്നു കഴിഞ്ഞ ദിവസത്തെ മോഷണ ശ്രമം. വീടിന്റെ പിന്ഭാഗങ്ങളിലുള്ള വാതിലുകള് പൊളിച്ചാണ് മോഷണം നടത്താന് ശ്രമിച്ചത്. ഒന്നും മോഷ്ടിക്കാന് കഴിഞ്ഞില്ല. എങ്കിലും ജനങ്ങള് മോഷണഭീതിയിലാണ്. കറുകച്ചാലിലെ ഇടവഴികളില് ലൈറ്റുകളില്ലാത്തത് മോഷണം നടത്തുന്നതിന് ഒരു കാരണമായി പറയുന്നു. പല മോഷണങ്ങള് നടന്നിട്ടുണ്ടെങ്കിലും ആരും പിടിക്കപ്പെട്ടില്ല, ഇതിനു മേഖലയില് ശക്തമായ പോലീസ് പെട്രോളിംഗ് ഉണ്ടാകണമെന്നാണ് നാട്ടുകാര് ആവശ്യപ്പെടുന്നത്.
