കുന്നത്തൂര്‍: ക്ഷേത്രഉത്സവത്തിനിടെ രണ്ട് വ്യക്തികള്‍ തമ്മിലുണ്ടായ സംഘര്‍ഷം രാഷ്‌ട്രീയവല്‍ക്കരിച്ച് സിപിഎം. സിപിഎം നടത്തിയ മുതലെടുപ്പ് സംഘര്‍ഷത്തില്‍ ദേവസ്വം ബോര്‍ഡിന്റെ ആനക്കും പാപ്പനും പരുക്കേറ്റു. മൈനാഗപ്പള്ളി വേങ്ങ ശ്രീ മുത്തോട്ടില്‍ ദേവീക്ഷേത്ര ഉത്സവവുമായി ബന്ധപ്പെട്ടായിരുന്നു സംഭവം.
രണ്ട് വ്യക്തികള്‍ തമ്മില്‍ ഉത്സവപറമ്പില്‍ വച്ച് ഏറ്റുമുട്ടുകയും സംഭവത്തില്‍ ശാസ്താംകോട്ട പോലീസ് കേസ് രജിസ്റ്റര്‍ ചെയ്യുകയും ചെയ്തിരുന്നു. വിദ്യാഭ്യാസ സ്ഥാപനത്തില്‍ വച്ച് നേരത്തെ ഇവര്‍ തമ്മില്‍ ചെറിയ വാക്കുതര്‍ക്കം നിലനിന്നിരുന്നു.
തുടര്‍ന്ന് ഉത്സവപറമ്പില്‍ ഇവര്‍ തമ്മില്‍ ഏറ്റുമുട്ടല്‍ ഉണ്ടാകുകയുമായിരുന്നു. എന്നാല്‍ ഈ സം’വത്തെ ഊതിപ്പെരുപ്പിച്ച് പ്രദേശത്ത് സംഘര്‍ഷവസ്ഥ സൃഷ്ടിച്ചിരിക്കുകയാണ് സിപിഎം. അതുവഴി രാഷ്‌ട്രീയ മുതലെടുപ്പിനുള്ള ശ്രമമാണ് സിപിഎം നടത്തുന്നതെന്ന് നാട്ടുകാര്‍ ആരോപിച്ചു. ഇതിനെതിരെ ബിജെപിയും പ്രതിഷേധവുമായി രംഗത്ത് എത്തി. പ്രതിഷേധയോഗം ബിജെപി മണ്ഡലം പ്രസിഡന്റ് വി.എസ്.വിജയന്‍ ഉദ്ഘാടനം ചെയ്തു. പഞ്ചായത്ത് ജനറല്‍ സെക്രട്ടറി ബിനോയ് ജോര്‍ജ്ജ് അദ്ധ്യക്ഷത വഹിച്ചു. സുരേഷ് പ്രസന്നകുമാര്‍. വേണു തുടങ്ങിയവര്‍ സംസാരിച്ചു. അതേസമയം ഇതേ സം’വവുമായി ബന്ധപ്പെട്ട് പ്രദേശത്തെ സിപിഎം-ഡിവൈഎഫ്‌ഐ പ്രവര്‍ത്തകര്‍ എഴുന്നെള്ളത്തിനെത്തിയ ആനക്ക് നേരെയും പാപ്പാനുനേരെയും അക്രമണം നടത്തി. സംഘര്‍ഷം സൃഷ്ടിച്ചയാളുടെ അച്ഛനാണ് പാപ്പാന്‍ എന്നാരോപിച്ചായിരുന്നു മര്‍ദ്ദനം.
ഉത്സവ ഘോഷയാത്ര കഴിഞ്ഞ് മടങ്ങുംവഴിയായിരുന്നു മര്‍ദ്ദനം. അക്രമണത്തില്‍ നിന്നും രക്ഷപ്പെടാന്‍ ആനയുടെ സമീപത്ത് മാറിനിന്നപ്പോള്‍ അക്രമിസംഘം കല്ലേറിയുകയായിരുന്നു. കല്ലേറിലാണ് ആനക്ക് പരുക്കേറ്റത്. ആനക്ക് നേരെ നടന്ന അക്രണത്തില്‍ ‘ക്തജനങ്ങള്‍ കരുനാഗപ്പള്ളി അഡീഷണല്‍ ദേവസ്വം ബോര്‍ഡ് കമ്മീഷണര്‍ക്ക് പരാതി നല്‍കി.
