ഇസ്ലാമാബാദ്: ജനപ്പെരുപ്പം തടയാനാവാത്ത പാക്കിസ്ഥാന് ജീവിക്കാനുള്ള വിഭവങ്ങളുടെ ക്ഷാമം നേരിടാന് പോകുന്നുവെന്ന് വിശകലന റിപ്പോര്ട്ട്. 2050-ല് പാക്കിസ്ഥാന് ജനസംഖ്യ 300 മില്യണ് കഴിയും. 68 വര്ഷത്തിനിടെ അഞ്ചിരട്ടിയായി ജനസംഖ്യ വര്ദ്ധിച്ചിരിക്കുകയാണ്. നിലവില് 191 മില്യണാണ് ജനസംഖ്യ. ഇത് 300 ആകുമെന്നാണ് കണക്കാക്കുന്നത്.
ലോകജനസംഖ്യയില് 1.2 ശതമാനമാണ് വളര്ച്ചാ നിരക്ക്. എന്നാല് പാക്കിസ്ഥാനില് ഇത് 1.9 ശതമാനമാണ്. അതേ സമയം ബംഗ്ലാദേശിലും ഭാരതത്തിലും 1.2 ശതമാനവും ഇറാനില് 1.3 ശതമാനവുമാണ്. ആഗോളതലത്തില് ഒരു സ്ത്രീയ്ക്ക് മൂന്നുമക്കള് എന്ന നിരക്ക് അംഗീകരിക്കപ്പെട്ടിരിക്കെ പാക്കിസ്ഥാനില് അത് നാലും കൂടുതലുമാണെന്ന് അദ്നാന് അദില് എന്ന പ്രമുഖ പത്രപ്രവര്ത്തകന് പറയുന്നു.
ഇത് നിലവിലുള്ള എല്ലാ വികസന പദ്ധതികളും അട്ടിമറിക്കാന് ഇടവരുത്തും. രാജ്യത്ത് അത്രയേറെ ജനങ്ങള്ക്ക് ജീവിക്കാനുള്ള വിഭവം ഇല്ലാതെ വരും. ആരോഗ്യം, പാര്പ്പിടം, അടിസ്ഥാന സൗകര്യം തുടങ്ങിയവ മാത്രമല്ല, ആഹാരം പോലും ആവശ്യത്തിനു കിട്ടാത്ത സ്ഥിതി വന്നു ചേരുമെന്നാണ് ഭയപ്പെടുന്നത് അദില് പറയുന്നു.
