തലശ്ശേരി: തലശ്ശേരിയിലും പരിസരങ്ങളിലും വാഹനങ്ങള്ക്ക് നേരെ വ്യാപക അക്രമം. ജൂബിലി റോഡിലെ ഒരു ഫര്ണിച്ചര് ഷോപ്പിന് മുന്നില് നിര്ത്തിയിട്ടിരുന്ന കെഎല് 13 5638 നമ്പര് കാള് ടാക്സി ഓട്ടോ വെള്ളിയാഴ്ച രാത്രി അടിച്ചു തകര്ത്തു. ഇതു സംബന്ധിച്ച് ഉടമ മനോജ് കുമാര് തലശ്ശേരി പോലീസില് പരാതി നല്കിയിട്ടുണ്ട്. ബിജെപി സ്ഥാനാര്ത്ഥിയുടെ തെരഞ്ഞെടുപ്പ് പര്യടനത്തിന് വാടകക്ക് ഓടിയതിന്റെ പേരില് കൊളശ്ശേരിയില് വെച്ച് സിപിഎം പ്രവര്ത്തകര് ഭീഷണിപ്പെടുത്തിയിരുന്നതായി മനോജ് കുമാര് പറഞ്ഞു.
കെഎസ്ആര്ടിസി ഡ്രൈവര് ചിറക്കരയിലെ ശ്രീല ഭവനില് പി.ഹേമാനന്ദിന്റെ ഉടമസ്ഥതിയിലുള്ള കാറിന്റെ ഗ്ലാസുകള് മുസ്ലീം ലീഗ് പ്രവര്ത്തകര് അടിച്ചു തകര്ത്തതായി തലശ്ശേരി പോലീസില് പരാതി നല്കി. എല്ഡിഎഫ് സ്ഥാനാര്ത്ഥി സിപിഐയിലെ വാഴയില് ലക്ഷ്മിയുടെ തെരഞ്ഞെടുപ്പ് സമയത്ത് ഈ കാര് ഉപയോഗിച്ചിരുന്നു. അക്രമം നടത്തിയത് മുസ്ലീം ലീഗുകാരാണെന്ന് തലശ്ശേരി പോലീസില് നല്കിയ പരാതിയില് പറയുന്നു.
മടത്തും ഭാഗത്ത് റേഷന് കടക്ക് സമീപം നിര്ത്തിയിട്ടിരുന്ന കുടിവെള്ള വിതരണ മിനിലോറിക്ക് നേരെയും അക്രമം നടന്നതായി പോലീസില് പരാതി നല്കിയിട്ടുണ്ട്.
