നാദാപുരം: വാണിമേല് ഗ്രാമ പഞ്ചായത്തിലെ പരപ്പുപാറ ഹയര് സെക്കണ്ടറി സ്കൂളിലെ പോളിംഗ് ബൂത്തില് അതിക്രമിച്ചു കയറി ബിജെപി സ്ഥാനാര്ത്ഥിയുടെ ബൂത്ത് ഏജന്റായ വനിതയെ കയ്യേറ്റം ശ്രമിക്കുകയും ജാതിപേര് പറഞ്ഞ് ചീത്ത വിളിച്ച് അവഹേളിക്കുകയും ചെയ്ത കേസില് സി.പി.എമ്മിന്റെ സ്ഥാനാര്ത്ഥിയടക്കം അഞ്ചു സി.പി.എം പ്രവര്ത്തകര്ക്ക് എതിരെ വളയം പോലീസ് കേസ് എടുത്തു.
സി.പി.എം.സ്ഥാനാര്ത്ഥിയായ കെ.പി.രാജീവന്, സിപിഎംപ്രവര്ത്ത കരായ ടി.പി.അശോകന്, പറമ്പത്ത് പവി, പറമ്പത്ത് ചന്ദ്രന്, വിനീശന് എന്നിവര്ക്കെതിരെയാണ് പോലീസ് കേസ് എടുത്തിട്ടുള്ളത്. ജാതി പേര് വിളിച്ച് ചീത്ത പറഞ്ഞ് അവഹേ ളിച്ചതിനു 294 വകുപ്പ് ചേര്ത്താണ് കേസ് എടുത്തത്.
തിരഞ്ഞെടുപ്പ് ദിവസം രാവിലെ മുതല് തന്നെ സിപിഎം പ്രവര്ത്തകര് കൂട്ടമായെത്തി കള്ളവോട്ടു ചെയ്യാന് തുടങ്ങിയത് പോളിംഗ് ഏജന്റായ സോഷിമ എതിര്ത്തിരുന്നു. പ്രിസൈ ഡിംഗ് ഓഫീസറെ ഭീഷണിപ്പെടുത്തി തിരിച്ചറിയല് കാര്ഡ് ഇല്ലാതെ വോട്ടു ചെയ്യാന് ആരംഭിച്ചതാണ് പ്രശ്ന ങ്ങളുടെ തുടക്കം.
സോഷിമയെ സിപി എം സ്ഥാനാ ര്ത്ഥിയുടെ നേതൃത്വത്തില് അഞ്ചംഗ സംഘം ബൂത്തിനുള്ളിലെക്ക് ഓടി ക്കയറി വോട്ടര് പട്ടിക പിടിച്ചു വാങ്ങി വലിച്ചു കീറുകയും അസഭ്യം പറഞ്ഞ് കയ്യേറ്റം ചെയ്യാന് ശ്രമിക്കുക യുമായിരുന്നു. ബൂത്തില് ഡ്യൂട്ടിയില് ഉണ്ടായിരുന്ന പോലീസ് ഉദ്യോഗസ്ഥന് അക്രമം തടയാന് തുനിഞ്ഞില്ല. തുടര്ന്ന് സംഭവത്തില് പ്രിസൈഡിംഗ് ഓഫീസര്ക്ക് പരാതി നല്കിയെങ്കിലും സ്വീകരിക്കാന് തയ്യാറായില്ല.
സംഭവത്തെപ്പറ്റി യഥാസമയം പോലീസിനെ അറിയിച്ചെങ്കിലും അഞ്ചു മണിക്ക് ശേഷം മാത്രമാണ് കൂടുതല് പോലീസ് സ്ഥലത്തെ ത്തിയത്. പിന്നീട് സോഷിമയെ പോലീസ് വാഹന ത്തിലാണ് ബൂത്തില് നിന്ന് രക്ഷ പ്പെടുത്തി വീട്ടില് എത്തിച്ചത്.
സിപിഎമ്മിന് അനുകൂലമായ നിലപാടാണ് പ്രിസൈഡിംഗ് ഓ ഫീസര് എടുത്ത തെന്ന് കാണിച്ച് നടപടി എടുക്കണമെന്നാവശ്യപ്പെട്ട് ഇലക്ഷന് കമ്മീഷന് പരാതി നല്കിയിട്ടുണ്ട്.
