കോഴിക്കോട്: കോഴി ക്കോട് കോര്പ്പറേഷന്റെ ദൈനംദിന ഭരണ ചുമതല ഏറ്റെടുത്ത ജില്ലാ കലക്ടര് എന്. പ്രശാന്ത് വിവിധ കേന്ദ്രങ്ങളില് സന്ദര്ശനം നടത്തി. ഇന്നലെ രാവിലെ സെന്ട്രല് മാര്ക്കറ്റിലെത്തിയ അദ്ദേഹം മത്സ്യതൊഴിലാളികളില് നിന്നും പ്രദേശ വാസികളില് നിന്നും വിവര ങ്ങള് ആരാഞ്ഞു.
മാര്ക്കറ്റ് ശുചീകരിക്കാനുള്ള ജല ദൗര്ലഭ്യതയെക്കുറിച്ചായിരുന്നു മത്സ്യതൊഴിലാളികളുടെ പരാതി. സമീപത്ത് ഒരു കിണര് ഉണ്ടെങ്കിലും വെള്ളമെത്തിക്കുന്നതിനുള്ള സൗകര്യങ്ങള് ഒന്നുംതന്നെയില്ല. മൂന്നു വര്ഷം മുമ്പ് ഈ കിണറില് നിന്നും വെള്ളം പമ്പുചെയ്യുന്നതിന് ഒരു മോട്ടോര് സ്ഥാപിച്ചെങ്കിലും അത് പ്രവര്ത്തനരഹിതമാണ്. മൂന്നു ദിവസത്തിനകം ഇത് പ്രവര്ത്തന ക്ഷമമാക്കാന് കോര്പറേഷന് സെക്രട്ടറി ടി.പി. സതീശനു കലക്ടര് നിര്ദ്ദേശം നല്കി.
ആനക്കുളം സാംസ്കാരിക നിലയത്തിലെത്തിയ കലക്ടര് സാംസ്കാരിക നിലയത്തിലെ പ്രശ്നങ്ങള് ചോദിച്ചറിഞ്ഞു. ഉദ്ഘാടനം കഴിഞ്ഞ് കാലങ്ങളായെങ്കിലും വൈദ്യുതി എത്താത്തതിനാലാണ് സാംസ്കാരിക നിലയം പ്രവര്ത്തനക്ഷമമാകാത്തത്. എത്രയും പെട്ടെന്ന് വൈദ്യുതിയെത്തിക്കുന്നതിനുള്ള നടപടി സ്വീകരിക്കാനും കോര്പ്പറേഷന് സെക്രട്ടറിക്ക് നിര്ദ്ദേശം നല്കി.
കോര്പ്പറേഷന് സ്റ്റേഡിയവും ഇന്നലെ കലക്ടര് സന്ദര്ശിച്ചു. ദേശീയ ഗെയിംസ് നടത്തിപ്പിനായി കൈമാറിയ സ്റ്റേഡിയം കോര്പ്പറേഷനു വിട്ടുകിട്ടാന് ദേശീയ ഗെയിംസ് സെക്രട്ടേറിയറ്റിന് കത്തയച്ചിട്ടുണ്ടെന്നും കലക്ടര് അറിയിച്ചു. കോര്പ്പറേഷന് സ്റ്റേഡിയത്തില് അടിയന്തരമായി ചെയ്യേണ്ട വികസന പ്രവര്ത്തനങ്ങള് പൂര്ത്തീകരിക്കാനും തീരുമാനിച്ചിട്ടുണ്ട്. നിലവിലെ കോര്പ്പറേഷന് കൗണ്സില് കാലാവധി പൂര്ത്തിയാക്കിയതിനെത്തുടര്ന്നാണ് കലക്ടര് കോര്പ്പറേഷന്റെ ദൈനംദിന ഭരണ ചുമതല ഏറ്റെടുത്തത്. കോര്പ്പറേഷന് സെക്രട്ടറി, ചീഫ് എഞ്ചിനീയര് എന്നിവരടക്കമുള്ള ഉദ്യോഗസ്ഥരുടെ യോഗം കഴിഞ്ഞ ദിവസം കലക്ടര് വിളിച്ചുചേര്ത്തിരു ന്നു. നഗരത്തില് സ്ഥാപിച്ചിരിക്കുന്ന ടോയ്ലറ്റുകളില് വെള്ളമെത്തിക്കാനും കലക്ടര് നിര്ദേശം നല്കിയിരുന്നു.
