ഇക്ഷണത്തിലുള്ള അസ്വസ്ഥതകളില്ലാത്ത ആശങ്കകളി ല്ലാത്ത സ്വകേന്ദ്രത്തിലേക്ക് തിരിച്ചെത്തിയ മനസ്സല്ലാതായി ത്തീരുന്ന മനസ്സ്-അതിനെയാണ് ധ്യാനം എന്നു വിളിക്കുന്നത്. നടത്തം, സംഭാഷണം, കാണല്, കേള്ക്കല്, ഗന്ധമറിയല്, രുചിച്ചറിയല് ഇങ്ങനെ സ്വന്തം ഇച്ഛയ്ക്കധീനമായി, ബോധപൂര്വ്വമല്ലാതെ ശരീരത്തില് നടക്കുന്ന പ്രവര്ത്തനങ്ങള് മാത്രം സംഭവിച്ചുകൊണ്ടിരിക്കുന്നു. ശ്വാസോച്ഛാസം നടക്കുന്നു; ഹൃദയമിടിക്കുന്നു; ആമാശയം ഭക്ഷണം ദഹിപ്പിക്കുന്നു; രക്തചംക്രമണം സാധാരണഗതിയില് നടക്കുന്നു. ഒരു പ്രത്യേകതരം വിശ്രമമാണിത്.
മനസ്സ് അടങ്ങുമ്പോള്, ധ്യാനം സംഭവിക്കുന്നു. ഉറങ്ങാന് കിടന്നാലും, അസ്വസ്ഥതകളും, ആശങ്കകളും, ഭാവി പദ്ധതികളും മൂലം മനസ്സ് സ്വസ്ഥമാവുന്നില്ല. പുറമേക്ക് പ്രകടമായില്ലെങ്കിലും, മനസ്സിന്റെ അടിത്തട്ടില് അവയുണ്ടാകും. വളരെയേറെ ആഗ്രഹങ്ങളും, ഇഷ്ടങ്ങളും ഉള്ളപ്പോള് ഗാഢനിദ്ര ലഭിക്കുകയില്ല. യഥാര്ത്ഥ സ്വാതന്ത്ര്യമെന്നാല് കഴിഞ്ഞതും, വരാനിരിക്കുന്നതുമായ സംഭവങ്ങളില് നിന്നുമുള്ള മുക്തിയാണ്.
സന്തോഷം തോന്നാത്തപ്പോഴൊക്കെ നിങ്ങള് നല്ലൊരു ഭാവിക്കുവേണ്ടി മോഹിക്കും. ഇപ്പോഴുള്ള നിമിഷത്തെ അംഗീകരിക്കുന്നില്ലെങ്കില്, അത് സംഘര്ഷത്തിന് കാരണമായിത്തീരുന്നു. ഇങ്ങനെയുള്ള സമയത്ത് ധ്യാനം സംഭവിക്കുകയേയില്ല. കണ്ണടച്ചിരിക്കുമ്പോഴും ആഗ്രഹങ്ങള് വരുന്നുവെങ്കില് നിങ്ങള് ധ്യാനിക്കുകയല്ല, മറിച്ച് സ്വയം വിഡ്ഢിയാകുകയാണ് അഥവാ നിങ്ങള് ദിവാസ്വപ്നം കാണുകയാണ്.
