തൈക്കാട്ടുശ്ശേരി: ഇടതുവലതു സഖ്യങ്ങളുടെ ന്യൂനപക്ഷ പ്രീണനത്തിനും, അഴിമതി ഭരണത്തിനുമെതിരെയുള്ള ജനവിധി പഞ്ചായത്ത് തെരഞ്ഞെടുപ്പില് ഉണ്ടാകുമെന്നും, കെപിഎംഎസും, എസ്എന്ഡിപിയും കൈകോര്ത്തു മുന്നണികള്ക്കെതിരെ തെരഞ്ഞെടുപ്പില് പ്രവര്ത്തിക്കുമെന്നും കെപിഎംഎസ് സംസ്ഥാന ട്രഷറര് തുറവുര് സുരേഷ് പറഞ്ഞു. തേവര് വട്ടത്ത് ഹിന്ദു സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കാലഹരണപ്പെട്ട കമ്യൂണിസവും കാലാതിവര്ത്തിയായ ഗുരുദേവ ദര്ശനവും എന്ന സന്ദേശമുയര്ത്തി ഹിന്ദു ഐക്യവേദി തൈക്കാട്ടുശ്ശേരി പഞ്ചായത്ത് കമ്മറ്റി നടത്തിയ പദയാത്രയുടെ സമാപനത്തിലാണ് ഹിന്ദു സംഗമം നടത്തിയത്. ഉളവയ്പ്പില് നിന്നും ആരംഭിച്ച പദയാത്രയ്ക്ക് ഹിന്ദു ഐക്യവേദി താലൂക്ക് വര്ക്കിംഗ് പ്രസിഡന്റ് ടി. എസ്. ശ്രീധരന് നമ്പൂതിരിയും, മഹിളാ ഐക്യവേദി പഞ്ചായത്ത് കമ്മറ്റി പ്രസിഡന്റ് വിജയമ്മ ലാലുവും നേതൃത്വം നല്കി.
പഞ്ചായത്തിലെ പതിനഞ്ച് വാര്ഡുകളില് കൂടി കടന്നു പോയ പദയാത്ര തേവര് വട്ടത്ത് സമാപിച്ചു. പഞ്ചായത്ത് തെരഞ്ഞെടുപ്പ് കഴിയുന്നതോടെ കമ്മ്യൂണിസ്റ്റ് പാര്ട്ടികളുടെ ഒടുക്കത്തിന്റെ തുടക്കമാകും സംഭവിക്കുകയെന്ന് എസ്എന്ഡി പി യോഗം സംസ്ഥാന അസിസ്റ്റന്റ് സെക്രട്ടറി പിടി മന്മഥന് പദയാത്ര സന്ദേശം നല്കി പറഞ്ഞു .ശ്രീ നാരായണ എംപ്ലോയിസ് ഫോറം യൂണിയന് സെക്രട്ടറി ബൈജു അറുകുഴി അദ്ധ്യക്ഷത വഹിച്ചു. തപസ്യ സംസ്ഥാന സംഘടനാ സെക്രട്ടറി പി.ഉണ്ണികൃഷ്ണന് മുഖ്യ പ്രഭാഷണം നടത്തി .ആര്എസ്എസ് താലൂക്ക് സംഘചാലക് വിജയന് മാസ്റ്റര്, താലൂക്ക് പ്രചാര് പ്രമുഖ് വിമല് രവീന്ദ്രന്, ബിജെപി നിയോജകമണ്ഡലം സെക്രട്ടറി പി. ആര്. സുധി തുടങ്ങിയവര് സംസാരിച്ചു. കെ. രാജേഷ്, എം. ആര്. ജയദേവന്, എ. സി. അനീഷ്, എ .കെ . വേലായുധന്, മനോന്മണി പദ്മനാഭന്, അഖില് അപ്പുക്കുട്ടന് തുടങ്ങിയവര് പദയാത്രയില് അണിനിരന്നു.
പ്രതികരിക്കാൻ ഇവിടെ എഴുതുക: