വടകര: കമ്യൂണിസ്റ്റുകളും ഇടതുപക്ഷവും ഇന്ത്യയിലെ അടിസ്ഥാന വര്ഗ്ഗത്തിന്റെ പതനം ഉറപ്പുവരുത്തിയവരാണെന്ന് എസ്എന്ഡിപി സംസ്ഥാന യൂത്ത്മൂവ്മെന്റ് ഉപാധ്യക്ഷന് ബാബുപൂതംപാറ അഭിപ്രായപ്പെട്ടു. ഹിന്ദുഐക്യവേദി വടകര മേഖലാസമിതി സംഘടിപ്പിച്ച പദയാത്രകളുടെ സമാപനസമ്മേളനം വടകര കോട്ടപ്പറമ്പില് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. രാഷ്ട്രീയനേതാക്കള് കാന്തപുരത്തിന്റെയും ഫാദര്മാരുടെയും തിണ്ണ നിരങ്ങുന്നതില് വര്ഗീയത കാണാത്തവര് മോദിയെ കാണുന്നതില്വര്ഗീയത ആരോപിക്കുന്നത് അല്പത്തമാണ്. പത്ത് വര്ഷത്തിനപ്പുറം കേരളത്തില് കമ്യൂണിസത്തിന്നായുസ്സില്ല. പിന്നോക്ക വിഭാഗങ്ങളെ വഞ്ചിച്ച ഇടതു-വലതു മുന്നണികളെ പാഠം പഠിപ്പിക്കാനുള്ള അവസരമാണ് തദ്ദേശസ്വയംഭരണതെരഞ്ഞെടുപ്പെന്ന് അദ്ദേഹം അഭിപ്രായപ്പെട്ടു. ബിഎംഎസ് മേഖലാപ്രസിഡന്റ് എം.ബാലകൃഷ്ണന് അധ്യക്ഷത വഹിച്ചു.ബാലഗോകുലം നിര്വാഹകസമിതി അംഗം ടി.പി. രാജന് മാസ്റ്റര് മുഖ്യപ്രഭാഷണംനടത്തി. ഉത്തരമേഖലാ പറയസഭ പ്രസിഡന്റ് സി.കെ.ഗോപാലന്, ബിജെപി സംസ്ഥാനസമിതി അംഗം ടി.പി.ജയചന്ദ്രന് മാസ്റ്റര് തുടങ്ങിയവര് സംസാരിച്ചു. എ.പി. രാജന് സ്വാഗതവും പി.പി.ഗിരീഷ് ബാബു നന്ദിയുംപറഞ്ഞു.
ഹിന്ദുഐക്യവേദി വടകര മേഖലാസമിതിയുടെ നേതൃത്വത്തില് പുതുപ്പണം പാലയാട്ട്നട ഭാഗത്തുനിന്നും നടക്കുതാഴെ തണിപ്പുര ഭാഗത്തുനിന്നും പുറങ്കര ഭാഗത്തുനിന്നും ആരംഭിച്ച പദയാത്രകള് നഗരപ്രദക്ഷിണത്തിന് ശേഷമാണ് കോട്ടപ്പറമ്പില് സമാപിച്ചത്.
