പന്തീരാങ്കാവ്: നൂറുകണക്കിന് വരുന്ന മണല്ത്തൊഴിലാളികളുടെ സമരം ബിജെപി ഏറ്റെടുക്കുമെന്ന് സംസ്ഥാന ജനറല്സെക്രട്ടറി കെ.സുരേന്ദ്രന് പ്രസ്താവിച്ചു. മണല് തൊഴിലാളി ഉപഭോക്തൃസംരക്ഷണസമിതി സമരപ്രഖ്യാപന കണ്വെന്ഷന് പന്തീരാങ്കാവ് പഞ്ചായത്ത് കമ്മ്യൂണിറ്റി ഹാളില് ഉദ്ഘാടനം ചെയ്യുകയായിരുന്നു അദ്ദേഹം. ഒക്ടോബര് 17ന് കലക്ട്രേറ്റ് മാര്ച്ചും ധര്ണ്ണയും നടക്കും.
അശാസ്ത്രീയമായ മണല്വാരല് നിരോധനം മൂലം പാവപ്പെട്ട മണല്തൊഴിലാളികള് പട്ടിണിയിലായിരിക്കുകയാണ്. ചാലിയാര് പുഴയെ സംരക്ഷിക്കാനാണ് മണല്വാരല് നിരോധനം എന്നാണ് പറയുന്നത്. എന്നാല് ചാലിയാര് പുഴയുടെ മലപ്പുറത്തുള്ള മറുകരയില് നിരോധനം ബാധകമല്ല. എംസാന്റ് ഉടമകളുടെ താത്പര്യം സംരക്ഷിക്കാനാണ് ഈ നിരോധനം. മുസ്ലിംലീഗിന്റെ സമ്മര്ദ്ദമാണ് ഇതിന് പിന്നില്. പൂഴി ഓഡിറ്റിംഗിന് സ്വകാര്യ സ്ഥാപനത്തെയാണ് നിയോഗിച്ചത്. ഇതിനെക്കുറിച്ച് അന്വേഷിക്കണം. കേന്ദ്രസര്ക്കാര് ഉത്തരവനുസരിച്ചാണ് മണല്നിരോധനമെന്നാണ് ചിലര് തെറ്റായി പ്രചരിപ്പിക്കുന്നത്. അങ്ങനെയൊരു ഉത്തരവില്ല. ഉത്തരവുണ്ടെങ്കില് കോഴിക്കോട് ജില്ലയില് മാത്രമായി നിരോധനം ഒതുങ്ങില്ല. അദ്ദേഹം ചൂണ്ടിക്കാട്ടി. നൂറുകണക്കിന് മണല് തൊഴിലാളികളും ഉപഭോക്താക്കളും കണ്വെന്ഷനില് പങ്കെടുത്തു. ടി.വാസുദേവന്(ബിജെപി ജില്ലാ വൈസ്പ്രസിഡന്റ്) അധ്യക്ഷത വഹിച്ചു. ശിവജി(സമരസമിതി പ്രസിഡന്റ്) റിപ്പോര്ട്ട് അവതരിപ്പിച്ചു. കോയ പി.പി.(സെക്രട്ടറി സമരസമിതി) കെ.പി.വേലായുധന്, സുബ്രഹ്മണ്യന്, ധനേഷ്, സിബുലാല്, പ്രേമാനന്ദന്, ഹരിദാസന് ഡി.കെ. പി.സുരേന്ദ്രന്, കെ.പി.സനല്കുമാര്, സുരേഷ് കെ.എന്, ജബ്ബാര്,അബ്ദുള്ള, വിജയന്, ബഷീര് എന്നിവര് സംസാരിച്ചു.
