കോഴിക്കോട്:ഒളവണ്ണ മലബാര് ബൊട്ടാണിക്കല് ഗാര്ഡന് കേരളാ സ്റ്റേറ്റ് കൗണ്സില് ഫോര് സയന്സ് & ടെക്നോളജിക്കു കീഴിലുളള ഗവേഷണ വികസന കേന്ദ്രമായി മുഖ്യമന്ത്രി ഉമ്മന്ചാണ്ടി പ്രഖ്യാപിച്ചു.
ഇതോടൊപ്പം മലബാര് അക്വാറ്റിക് ബയോപാര്ക്ക് പദ്ധതിക്ക് മുഖ്യമന്ത്രി തറക്കല്ലിടുകയും ചെയ്തു.
വിദ്യാര്ഥികള്ക്കും ശാസ്ത്രജ്ഞര്ക്കും ഏറെ ഉപകാരപ്രദമായ റിസര്ച്ച് സെന്ററിനായി ഈ വര്ഷത്തെ ബജറ്റില് ഉള്പ്പെടുത്തി മൂന്നുകോടി രൂപ വകയിരുത്തിയതായി മുഖ്യമന്ത്രി അറിയിച്ചു. ബോട്ടാണിക്കല് ഗാര്ഡനിലേക്കുള്ള റോഡ് നവീകരണത്തിനായി 50 ലക്ഷം രൂപയും അനുവദിച്ചിട്ടുണ്ട്.
ബയോ ഡൈവേഴ്സിറ്റി മേഖലയില് ഗവേഷണം നടത്തുന്ന 10 വിദ്യാര്ഥികള്ക്ക് മൂന്നു ലക്ഷം രൂപയുടെ യംഗ് റിസേച്ചേഴ്സ് ഫെല്ലോഷിപ്പ് നല്കുമെന്നും മുഖ്യമന്ത്രി പറഞ്ഞു.
ചടങ്ങില് കൃഷിവകുപ്പ് മന്ത്രി കെ.പി. മോഹനന് അധ്യക്ഷനായിരുന്നു. ചടങ്ങില് എം.കെ രാഘവന് എം.പി, പിടി.എ റഹീം എം.എല്.എ, കെ.എസ്.വൈ.ഡബ്ല്യു.ബി ചെയര്മാന് പി.എസ് പ്രശാന്ത്, മലബാര് ബോട്ടാണിക്കല് ഗാര്ഡന് ഡയരക്ടര് ഡോ. ആര് പ്രകാശ് കുമാര്, കെ.എസ്.സി.എസ്.ടി.ഇ മെംബര് സെക്രട്ടറി ജോര്ജ് വര്ഗീസ്, കോഴിക്കോട് ബ്ലോക്ക് പഞ്ചായത്ത് പ്രസിഡന്റ് റീന മുണ്ടങ്ങാട്ട്, ഒളവണ്ണ ഗ്രാമപഞ്ചായത്ത് പ്രസിഡന്റ് കെ സുഗതന്, ജില്ലാ പഞ്ചായത്തംഗം ദിനേശ് പെരുമണ്ണ, കോഴിക്കോട് ബ്ലോക്ക് പഞ്ചായത്ത് അംഗം എന് അനിരുദ്ധന്, വാര്ഡ് മെംബര് രമണി കൃഷ്ണദാസ്, പി.വി മധുസൂദനന് തുടങ്ങിയവര് സംസാരിച്ചു.
