കൊയിലാണ്ടി: ചേലിയ കഥകളി വിദ്യാലയത്തില് കഴിഞ്ഞ ആഴ്ചയുണ്ടായ അനിഷ്ടസംഭവങ്ങളുമായി ബന്ധപ്പെട്ട് വിദ്യാലയ നിര്വ്വാഹകസമിതി ഇന്നലെ ആദ്യമായി പത്രക്കുറിപ്പിറക്കി. ഇക്കഴിഞ്ഞ 20 നാണ് കഥകളി വിദ്യാലയത്തിലെ പകരക്കാരനായ ചെണ്ട അധ്യാപകന് വിദ്യാര്ത്ഥിയെ ക്രൂരമായി മര്ദ്ദിച്ചതുമായി ബന്ധപ്പെട്ട് അനിഷ്ടസംഭവങ്ങളുണ്ടായത്.
ആര്എസ്എസ് -ബിജെപി പ്രവര്ത്തകര് താല്ക്കാലിക അദ്ധ്യാപകനെ മര്ദ്ദിച്ചുവെന്ന് ആരോപിച്ച് ചില പത്രദൃശ്യ മാധ്യമങ്ങളില് നിരന്തരമായി വാര്ത്തകള് വന്നിരുന്നു. എന്നാല് കഥകളി വിദ്യാലയത്തിലെ ഭരണസമിതി അപ്പോഴൊന്നും പ്രതികരിച്ചില്ല. പോലീസ് രാത്രി അസമയത്തുപോലും പ്രതികളെ തേടി സ്ത്രീകള് മാത്രമുള്ള വീടുകളില് കയറി ഭീകരാന്തരീക്ഷം സൃഷ്ടിച്ചിരുന്നു. നിരപരാധിയായ ഒരാളെ അറസ്റ്റ്ചെയ്ത് ചേലിയ ടൗണിലൂടെ കയ്യാമം വെച്ച് ഭീകരവാദികളെപോലെ നടത്തിക്കുകയുംചെയ്തു. എന്നാല് കഴിഞ്ഞ ദിവസം കോടതിയില് ഹാജരാക്കിയപ്പോള് ഇദ്ദേഹമല്ല തന്നെ അക്രമിച്ചതെന്നാണ് വിദ്യാലയത്തിലെ താല്ക്കാലിക ചെണ്ട അദ്ധ്യാപകന് കോടതിയില് പറഞ്ഞത്.
രാഷ്ട്രീയ സ്വയം സേവക സംഘം പ്രാന്തകാര്യവാഹ്. പി. ഗോപാലന്കുട്ടിമാസ്റ്റര്, കഥകളി വിദ്യാലയം സ്ഥാപകന് ഗുരു ചേമഞ്ചേരികുഞ്ഞിരാമന് നായരെ സന്ദര്ശിച്ചപ്പോള് ആര്എസ്എസ് പ്രവര്ത്തകര് കഥകളി വിദ്യാലയത്തെ അക്രമിച്ചുവെന്ന വാര്ത്ത താന് വിശ്വസിക്കില്ലെന്നാണ് ഗുരു പറഞ്ഞിരുന്നത്.
ആര്എസ്എസിനെതിരെയുള്ള വാര്ത്തകള് ജനങ്ങള് വിശ്വസിക്കാതിരിക്കുകയും ഈ വിഷയത്തില് തങ്ങള് ഒറ്റപ്പെടുകയും ചെയ്യുമെന്ന് ഉറപ്പാവുകയും ചെയ്തപ്പോഴാണ് വിദ്യാലയം നിര്വ്വാഹകസമിതി പത്രക്കുറിപ്പുമായി ഇന്നലെ രംഗത്ത് വന്നിരിക്കുന്നത്.
താല്ക്കാലിക അധ്യാപകനെ മര്ദ്ദിച്ച കേസില് യഥാര്ത്ഥ പ്രതികളെ കണ്ടെത്തണമെന്നുംസംഭവങ്ങളുമായി ഏതെങ്കിലും സംഘടനയ്ക്ക് ബന്ധമുള്ളതായി കരുതുന്നില്ലെന്നും കഥകളി വിദ്യാലയ ഭാരവാഹികള് പറഞ്ഞു.
