കോഴിക്കോട്: സംസ്ഥാനത്തെ ആദ്യത്തെ സ്വകാര്യ റയില്വേ റിസര്വേഷന് കേന്ദ്രം ഇന്നു മുതല് കോഴിക്കോട്ട് പ്രവര്ത്തനമാരംഭിക്കും. റയില്വേ സ്റ്റേഷന് ലിങ്ക് റോഡിലെ പ്രപഞ്ചം ട്രാവല്സിലാണ് റിസര്വേഷന് കേന്ദ്രം പ്രവര്ത്തിക്കുക. സ്വകാര്യ ഏജന്സികള് മുഖേന സാധാരണ റയില്വേ ടിക്കറ്റുകള് മാത്രമാണ് ഇതുവരെ നല്കിയിരുന്നത്. ദക്ഷിണ റയില്വേയുടെ പരിധിയില് ആദ്യമായി സ്ഥാപിതമായ കൗണ്ടറാണ് കോഴിക്കോട്ടേത്.യാത്രാ ടിക്കറ്റ് സുവിധ കേന്ദ്ര (വൈടിഎസ്കെ) എന്നാണ് ഈ കേന്ദ്രത്തിന്റെ പേര്. ഓരോ സെക്കന്റ് ക്ലാസ് സിറ്റിംഗ് ടിക്കറ്റിനും സ്ലീപ്പര് ടിക്കറ്റിനും റെയില്വേ സ്റ്റേഷനിലെ ടിക്കറ്റ് ബുക്കിംഗ് കൗണ്ടറില് നിന്ന് റിസര്വ് ചെയ്യുന്നതിനേക്കാള് 30 രൂപ അധികമായി ഈ കേന്ദ്രത്തില് നല്കണം. ഉയര്ന്ന ക്ലാസ് ടിക്കറ്റുകള്ക്ക് 40 രൂപയും പ്ലാറ്റ്ഫോം ടിക്കറ്റുകള്ക്ക് ഒരു രൂപയും അധികം നല്കണമെന്ന് ബന്ധപ്പെട്ടവര് അറിയിച്ചു. ഇന്ന് രാവിലെ 10ന് കൗണ്ടര് ഉദ്ഘാടനം എം.കെ. രാഘവന് എം.പി. നിര്വഹിക്കും.
സ്വകാര്യ റയില്വേ റിസര്വേഷന് കൗണ്ടര് ഉദ്ഘാടനം ഇന്ന്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.