ബേപ്പൂര്: കോഴിക്കോട് കോര്പ്പറേഷന് ബേപ്പൂര് മേഖലാ ഓഫീസ് സ്തംഭനാവസ്ഥയിലാക്കി ജനങ്ങളെ ബുദ്ധിമുട്ടിക്കുന്നതിന് സിപിഎം മറുപടി പറയണമെന്ന് ബിജെപി സംസ്ഥാന ജനറല് സെക്രട്ടറി കെ.പി. ശ്രീശന് പറഞ്ഞു. കോര്പ്പറേഷന് ബേപ്പൂര് മേഖലാ ഓഫീസിനു മുമ്പില് ബിജെപി നടത്തിയ ധര്ണ്ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കോര്പ്പറേഷന് മേഖലാ കാര്യാലയത്തില് വീടുനിര്മ്മാണത്തിനു വേണ്ടിയുള്ള മുന്നൂറോളം അപേക്ഷകളാണ് കെട്ടിക്കിടക്കുന്നത്. സാങ്കേതിക തടസ്സങ്ങള് പറഞ്ഞാണ് അധികൃതര് തടഞ്ഞുവെച്ചിരിക്കുന്നത്. അപേക്ഷകള്ക്ക് തീര്പ്പ് കല്പ്പിക്കേണ്ട ഓവര്സീയര്ക്ക് ചെറുവണ്ണൂര് മേഖലാ ഓഫീസിന്റെ ചുമതലകൂടി നല്കിയിരിക്കുകയാണ്. ബേപ്പൂരിനെ കോര്പ്പറേഷനിലേക്ക് കൂട്ടിച്ചേര്ത്തത് കാരണം നികുതി ഭാരം മാത്രമാണ് കൂടിയത്. ജനന, മരണ, വിവാഹ സര്ട്ടിഫിക്കറ്റുകള്ക്ക് കോഴിക്കോട് കോര്പ്പറേഷന് ഓഫീസില് മണിക്കൂറുകളോളം കാത്തിരിക്കേണ്ട അവസ്ഥയാണെന്നും അദ്ദേഹം പറഞ്ഞു.
അരക്കിണര് ഏരിയാ പ്രസിഡന്റ് എം. പത്മനാഭന് അദ്ധ്യക്ഷത വഹിച്ചു. ബിജെപി നേതാക്കളായ കെ. സ്മിജിത്ത്, നിഷാദ്കുമാര് കെ.പി, ശശികുമാര് കെ, റനിത്ത് പി, ശിവദാസന് കെ, തമ്പിരാജ് എം, എന്നിവര് സംസാരിച്ചു. രഗീഷ് തറയില് സ്വാഗതവും ഷിനു പിണ്ണാണത്ത് നന്ദിയും പറഞ്ഞു.
ബേപ്പൂര് മേഖലാ ഓഫീസിന് മുമ്പില് നടത്തിയ ധര്ണ
കെ.പി. ശ്രീശന് ഉദ്ഘാടനം ചെയ്യുന്നു
