ഗുണ്ടൂര്: അണ്ടര് 19 അന്തര് സംസ്ഥാന വനിതാ ക്രിക്കറ്റ് മത്സരത്തില് കേരളത്തിന് വിജയം. ഒരു വിക്കറ്റിന് കര്ണാടക അണ്ടര് 19 ടീമിനെയാണ് കേരള ടീം പരാജയപ്പെടുത്തിയത്. ടോസ് നേടി ബാറ്റിങ് തെരഞ്ഞെടുത്ത കര്ണാടക വനിതകള് 49.4 ഓവറില് 138 റണ്സിന് ഓള് ഔട്ടായി. മറുപടി ബാറ്റിങ്ങിനിറങ്ങിയ കേരള പെണ്കുട്ടികള് രണ്ട് പന്തുകള് ശേഷിക്കെ ഒമ്പത് വിക്കറ്റ് നഷ്ടപ്പെടുത്തി 139 റണ്സെടുത്ത് വിജയം കരസ്ഥമാക്കുകയായിരുന്നു.
കര്ണാടകത്തിന് വേണ്ടി എസ്. ശുഭ 54 റണ്സെടുത്ത് ടോപ് സ്കോററായി. ശുഭക്ക് പുറമെ മൂന്ന് പേര് മാത്രമാണ് അവരുടെ ബാറ്റിങ്ങ് നിരയില് രണ്ടക്കം കടന്നത്. ഏഴ് ഓവറില് 17 റണ്സ് മാത്രം വിട്ടുകൊടുത്ത് 6 വിക്കറ്റുകള് പിഴുത കാവ്യയുടെ തകര്പ്പന് ബൗളിങാണ് കര്ണാടകയെ ചെറിയ സ്കോറിലൊതുക്കാന് സഹായിച്ചത്.
മറുപടി ബാറ്റിങ്ങിനിറങ്ങിയ കേരളത്തിന് മികച്ച തുടക്കം കിട്ടിയില്ല. എക്സ്ട്രായായി ലഭിച്ച 41 റണ്സാണ് കേരള ഇന്നിംഗ്സിലെ ടോപ് സ്കോര്. കീര്ത്തി ജെയിംസ് 25 റണ്സും ജയലക്ഷ്മി ദേവ് 17 റണ്സും നേടി. കര്ണാടകക്ക് വേണ്ടി ശുഭ നാല് വിക്കറ്റുകള് വീഴ്ത്തി.
