ചങ്ങനാശ്ശേരി: കുടുംബാന്തരീക്ഷത്തെ തകര്‍ക്കുന്ന എല്ലാ ലഹരി പദാര്‍ത്ഥങ്ങളും സമൂഹത്തില്‍ നിന്നും പൂര്‍ണ്ണമായും നിരോധിക്കാന്‍ സംസ്ഥാന സര്‍ക്കാര്‍ ആര്‍ജ്ജവം കാട്ടണമെന്ന് ചക്കുളത്തുകാവ് ദേവീക്ഷേത്രം മുഖ്യകാര്യദര്‍ശി രാധാകൃഷ്ണന്‍ നമ്പൂതിരി കേരള കള്‍ച്ചറല്‍ ഫോറം സംസ്ഥാന സമിതി സംഘടിപ്പിച്ച ലഹരി വിരുദ്ധ വിളംമ്പര സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സമൂഹത്തില്‍ തി• വിതറുന്ന ലഹരി പൂര്‍ണ്ണമായും നിര്‍മ്മാര്‍ജ്ജനം ചെയ്യുവാന്‍ എല്ലാവരും ഒറ്റക്കെട്ടായി നിതാന്ത ജാഗ്രത പുലര്‍ത്തണമെന്നും അദ്ദേഹം പറഞ്ഞു.
മനുഷ്യജീവതത്തിന്റെ ചുരുങ്ങിയ ഇഹലോകവാസത്തില്‍ ലഹരിയെ വെടിഞ്ഞ് സമൂഹനയ്‌ക്കായി സ്വയം സമര്‍പ്പിക്കണമെന്നും മദ്യപാനി ഒരിക്കലും സ്വര്‍ഗ്ഗരാജ്യം അവകാശപ്പെടുകയില്ലെന്നും അനുഗ്രഹ പ്രഭാഷണം നടത്തിയ ക്‌നാനായ യാക്കോബായ സഭാ കോര്‍ എപ്പിസ്‌കോപ്പ ഫാ.എം.എ.കുര്യാക്കോസ് ചിറയില്‍ പറഞ്ഞു.
കള്‍ച്ചറല്‍ ഫോറം ചെയര്‍മാന്‍ നൈനാന്‍ തോമസ് മുളപ്പാന്‍മഠം അദ്ധ്യക്ഷത വഹിച്ചു. ജനറല്‍ കണ്‍വീനര്‍ ബിനുകുര്യാക്കോസ് പ്രസിഡന്റ് വര്‍ഗ്ഗീസ് മാത്യു നെല്ലിക്കല്‍, എസ്.എന്‍.ഡി.പി.യോഗം വനിതാ വിഭാഗം പ്രസിഡന്റ് ഉഷാനിര്‍മ്മല്‍, ഔസേപ്പച്ചന്‍ ചെറുകാട്, ചമ്പക്കുളം ഗ്രാമപഞ്ചായത്ത് വൈസ്പ്രസിഡന്റ് ജോപ്പന്‍ ജോയി വാരിക്കാട്, വെളിയാനാട് ബ്ലോക്ക് പഞ്ചായത്ത് അംഗം പ്രമോദ് ചന്ദ്രന്‍ ചങ്ങനാശേരി അതിരൂപതാ ഫാമിലി കമ്മീഷന്‍ കണ്‍വീനര്‍ ജോസ് കൈലാത്ത്, സംസ്ഥാന നാടക അവാര്‍ഡ് ജേതാവ് പ്രമോദ് വെളിയനാട് സാഹിത്യകാരന്മാരായ ലാലി മുട്ടാര്‍, സണ്ണി മുട്ടാര്‍, എ.കെ.ഷംസുധന്‍, ചാക്കോച്ചന്‍ മെതിക്കളം, സി.റ്റി.തോമസ്, ജോര്‍ജ്ജുകുട്ടി കന്നയില്‍, ജോണിച്ചന്‍ മണലി എന്നിവര്‍ പ്രസംഗിച്ചു.
