കോഴിക്കോട്: കോര്പ്പറേഷന് തിരഞ്ഞെടുപ്പില് അഴിമതിക്കെതിരെ ഒരു വോട്ട് എന്ന പ്രചാരണം എല്ലാ വാര്ഡുകളിലും സംഘടിപ്പിക്കുവാന് അഴിമതി വിരുദ്ധ ജനകീയമുന്നണി പ്രവര്ത്തക സമിതി യോഗം തീരുമാനിച്ചു.സെപ്തംബര് 17 നു വൈകീട്ട് 5.30 നു നളന്ദാഓഡിറ്റോറിയത്തില് പ്രചാരണ പ്രവര്ത്തനത്തിനു തുടക്കം കുറിക്കും. അഴിമതി കേസ്സുകളില് പ്രതി ചേര്ക്കപ്പെട്ട വരെയും രണ്ട് തവണ കൗണ്സിലര്മാരായവരേയും മത്സരിപ്പിക്കരുതെന്നു എല്ലാ രാഷ്ട്രീയ പാര്ട്ടികളോടും യോഗം ആവശ്യപ്പെട്ടു.കോര്പ്പറേഷന് അഴിമതിക്കേസ്സുകളുടെ അന്വേഷണം അനിശ്ചിതമായി നീട്ടുന്നതിലും, അന്വേഷണം അട്ടിമറിക്കുന്നതിലും കേരള ഗവര്ണ്ണറും സുപ്രീംകോടതി മുന് ചീഫ് ജസ്റ്റീസുമായ പി. സദാശിവത്തിനു വിശദമായ നിവേദനം നല്കാനും യോഗം തീരുമാനിച്ചു.സമിതി ചെയര്പേഴ്സണ് അഡ്വ.കെ. ആനന്ദകനകം യോഗത്തില് അദ്ധ്യക്ഷത വഹിച്ചു. ജനറല് കണ്വീനര് കെ.പി.വിജയകുമാര് പ്രവര്ത്തന റിപ്പോര്ട്ടും ട്രഷറര് ടി. പ്രവീണ് കുമാര് വരവ് ചെലവ് കണക്കുകളും അവതരിപ്പിച്ചു.
















