മലപ്പുറം: കോട്ടപ്പടിയില് സ്ഥിതി ചെയ്യുന്ന താലൂക്ക് ആശുപത്രി ജില്ലാ ആശുപത്രിയായി ഉയര്ത്തണമെന്ന് ബിജെപി മുനിസിപ്പല് കമ്മറ്റി ആവശ്യപ്പെട്ടു. ജില്ല നിലവില് വന്നിട്ട് വര്ഷങ്ങള് പിന്നിട്ടിട്ടും ജില്ലാ ആസ്ഥാനത്ത് ആധുനിക സൗകര്യങ്ങളോട് കൂടിയ ഒരു ആശുപത്രിയില്ലെന്നുള്ളത് ജില്ലക്ക് തന്നെ അപമാനമാണ്. നിലവിലെ താലൂക്ക് ആശുപത്രിയില് ഉച്ചക്ക് ശേഷം ഒപി പ്രവര്ത്തിക്കാത്തത് രോഗികളെ വലക്കുന്നു. ആശുപത്രി വികസിപ്പിക്കാനാവശ്യമായ സര്ക്കാര് ഭൂമി ഉണ്ടായിട്ടും അധികൃതര് ഇതിന് തയ്യാറാകാത്തത് പ്രതിഷേധാര്ഹമാണ്. ജനങ്ങളുടെ ബുദ്ധിമുട്ട് പരിഗണിച്ച് 24 മണിക്കൂറും പ്രവര്ത്തിക്കുന്ന ഒപിയോട് കൂടിയ ജില്ലാ ആശുപത്രിയായി മാറ്റന് അധികൃതര് തയ്യാറാകണമെന്ന് യോഗം ആവശ്യപ്പെട്ടു.
യോഗത്തില് മുനിസിപ്പല് കമ്മറ്റി പ്രസിഡന്റ് വില്ലോടി സുന്ദരന് അദ്ധ്യക്ഷത വഹിച്ചു. മണ്ഡലം പ്രസിഡന്റ് കെ.സി.ശങ്കരന്, ജനറല് സെക്രട്ടറി പത്മകുമാര്, എം.അച്യുതന്, ബാബു ഫാന്റസി, വേണുഗോപാല്, ശ്യാം പ്രകാശ് എന്നിവര് സംസാരിച്ചു.
