കൊച്ചി: മാതൃഭാഷാഭിമാനമുളളവരായി മലയാളി മാറണമെന്ന് ജില്ലയില് വിവിധ പ്രദേശങ്ങളില് അമൃതഭാരതീ വിദ്യാപീഠത്തിന്റെ നേതൃത്വത്തില് സംഘടിപ്പിക്കപ്പെട്ട മാതൃഭാഷാഭിമാനസംഗമങ്ങള് പ്രസ്താവിച്ചു. മലയാളവര്ഷം 12-ാം നൂറ്റാണ്ടിന്റെ അവസാനദശകത്തിലെത്തിനില്ക്കുന്നു 13-ാം നുറ്റാണ്ടിലും മലയാളവും മലയാളിയും തനിമ നഷ്ടപ്പെടാതെ നിലകൊള്ളേണ്ടതിന്റെ അനിവാര്യത മാതൃഭാഷാഭിമാനസംഗമങ്ങള് ‘ഭാഷാമിത്ര’ ബന്ധുകളെ ഓര്മ്മപ്പെടുത്തി. തൃപ്പുണിത്തുറയില് നടന്ന മാതൃഭാഷാസംഗമത്തില് ആര്.എല്.വി. രാധാകൃഷണന് അദ്ധ്യക്ഷതവഹിച്ചു. പ്രമുഖ ബാലസാഹിത്യകാരനും കവിയുമായ പി.ഐ.ശങ്കരനാരായണന് സംഗമം ഉദ്ഘാടനം ചെയ്തു.
തൃപ്പുണിത്തുറയിലെ എഴുത്തുകാരായ കെ.എ. ഉണ്ണിത്താന്, ഡോ.രാജലക്ഷമി, ലതാലക്ഷ്മി, വെക്കം രാമചന്ദ്രന്, അമ്പലമേട് രവികുമാര്, കുമ്പളം ശശിധരപ്പണിക്കര്, സത്കല വിജയന് എന്നിവരെ ഭാഷാമിത്രപുരസ്കാരം നല്കി സംഗമംആദരിച്ചു. ജില്ലയില് ഹയര്സെക്കണ്ടറി തലത്തില് ഉന്നതവിജയം കരസ്ഥമാക്കിയ വിദ്യാര്ത്ഥികളെ ചടങ്ങില് അനുമോദിച്ചു. അമൃതഭാരതീവിദ്യാപീഠം പരീക്ഷാസഞ്ചാലകന് ഡോ.എന്.വി.നടേശന്, സംസ്ഥാനാദ്ധ്യക്ഷന് ഡോ.ജി.ഗംഗാധരന്നായര്, ഡോ.ഹേമലത, എന്നിവര് മാതൃഭാഷാഭിമാനസംഗമത്തിന് അനുഗ്രഹമേകി. ഭാഷാമിത്രങ്ങളായ വാണീരാധാകൃഷ്ണന്, അമൃതരാജ്, സ്വാതിസജയന്, മാളവിക എന്നിവര് കവിതകളാലപിച്ചു. തൃപ്പൂണിത്തുറ വിഷ്ണു, ചോറ്റാനിക്കര ശ്രീരാം എന്നിവര് സോപാനസംഗീതം അവതരിപ്പിച്ചു. അമൃതഭാരതീവിദ്യാപീഠം എറണാകുളം ജില്ലാസംയോജകന് കെ.ജി. ശ്രീകുമാര്, ശ്രീപൂര്ണത്രയീശ ബാലഗോകുലം രക്ഷാധികാരി ഗംഗടീച്ചര്, സിന്ധുടീച്ചര്,ബിന്ദുടീച്ചര് എന്നിവര് പ്രസംഗിച്ചു. ഇടപ്പള്ളി തമ്പുരാട്ടി റോഡിലുള്ള അമൃതഭാരതി വിദ്യാപീഠത്തിന്റെ സംസ്ഥാനകാര്യാലയത്തിലും മാതൃഭാഷാഭിമാന സംഗമം നടന്ന. സംസ്ഥാന കാര്യ കര്ത്താക്കളും മാതൃഭാഷാസ്നേഹികളും പങ്കെടുത്തു.
