ചേര്ത്തല: 161-ാമത് ശ്രീനാരായണ ഗുരുദേവജയന്തി ആഘോഷങ്ങളുടെ ഭാഗമായി കണിച്ചുകുളങ്ങര എസ്എന്ഡിപി യൂണിയന്റെ ആഭിമുഖ്യത്തില് നടക്കുന്ന ചതയദിന തിരുവാതിരയുടെ ആദ്യ ഘട്ട പരിശീലനം പൂര്ത്തിയായി. യൂണിയനിലെ ശാഖകളില് നിന്നും തെരഞ്ഞെടുക്കപ്പെട്ട 100 പേരാണ് പരിശീലനം പൂര്ത്തിയാക്കിയത്. ഇവരുടെ തിരുവാതിര അവതരണവും നടന്നു. പരിശീലനം പൂര്ത്തിയാക്കിയ വനിതകളാണ് ശാഖകളില് നിന്നും പങ്കെടുക്കുന്നവര്ക്ക് പരിശീലനം നല്കുന്നത്. അരുവിപ്പുറം വാഴും ശിവനുടെ തനയനാം ഗണപതി തുണക്കണേ കരുണയോടെ……എന്ന് ആരംഭിക്കുന്ന ഗുരുദേവന്റെ തത്വദര്ശനത്തെ ആധാരമാക്കി രാജീവ് ആലുങ്കല് രചിച്ച വരികള്ക്കനുസരിച്ചാണ് ചുവടുവെയ്ക്കുന്നത്. ഇരുപത്തിയഞ്ച് മിനിട്ട് ദൈര്ഘ്യമുണ്ട്. ഗായിക മായാ ബല്റാമാണ് ഗാനം ആലപിച്ചിരിക്കുന്നത്. പാട്ടിനനുസരിച്ച് തിരുവാതിര ചുവടുകള് ചിട്ടപ്പെടുത്തിയിരിക്കുന്നത് ഡാന്സര് ആര്എല്വി ഓംകാറാണ്. യൂണിയനില് ഇക്കുറി ചതയദിന റാലിക്ക് പകരം നടത്തുന്ന ചതയദിന തിരുവാതിരയില് 3000 വനിതകളാണ് പങ്കെടുക്കുന്നത്. 30 ന് കണിച്ചുകുളങ്ങര സ്കൂള് ഗ്രൗണ്ടിലാണ് തിരുവാതിര അരങ്ങേറും.
ചതയദിന തിരുവാതിര; ആദ്യഘട്ട പരിശീലനം പൂര്ത്തിയായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.