പള്ളുരുത്തി: കെഎസ്ആര്ടിസി തിരുക്കൊച്ചി സര്വ്വീസുകളുടെ ട്രിപ്പുമുടക്കം സ്വകാര്യ ബസ്സുകളെ സഹായിക്കാനെന്ന് ആരോപണമുയരുന്നു. കെഎസ്ആര്ടിസിയിലെ ഒരു വിഭാഗം തൊഴിലാളികളാണ് പുതിയ ആരോപണവുമായി രംഗത്തുള്ളത്. വന് കളക്ഷന് ലഭിച്ചിരുന്ന തിരുക്കൊച്ചിയുടെ ചേരാനെല്ലൂരിലേക്കുള്ള സര്വ്വീസ് മുന്നറിയിപ്പില്ലാതെ റദ്ദ് ചെയ്തത് ഇത്തരം അവിഹിത ഇടപെടല് മൂലമാണെന്ന് പറയുന്നു. നല്ല കളക്ഷന് ലഭിച്ചിരുന്ന പെര്മിറ്റുകള് റദ്ദ് ചെയ്ത് ഏറ്റവും കുറഞ്ഞ കളക്ഷന് ലഭിക്കുന്നിടത്തേക്ക് ഈ ബസ്സുകള്ക്ക് പെര്മിറ്റ് മാറ്റി നല്കുകയായിരുന്നു.
ഇത്തരം സംഭവങ്ങള് നിര്ബാധം തുടരുമ്പോഴും ഉദ്യോഗസ്ഥ തലത്തില് പേരിനു പോലും അന്വേഷണം നടക്കുന്നില്ലെന്ന് ആക്ഷേപം ഉയരുന്നുണ്ട്.
തിരുക്കൊച്ചി മാത്രമല്ല ദീര്ഘദൂര ബസ്സുകള് മുടക്കിയും ഇത്തരക്കാരുടെ ലീലാവിലാസം അരങ്ങു തകര്ക്കുകയാണ് ‘12.30 ന് കൊച്ചി ഡിപ്പോയില് നിന്നും ട്രിപ്പു തുടങ്ങുന്ന കുമളി ട്രിപ്പും അകാരണമായി മണിക്കൂറുകളോളം വൈകിപ്പിക്കുന്നതായും പരാതി ഉയരുന്നുണ്ട്. ഉത്തരവാദിത്യപ്പെട്ടവര്ക്ക് പരാതി എഴുതി നല്കിയിട്ടു പോലും പരാതി തുറന്നു നോക്കാനുള്ള മര്യാദ മാനേജ്മെന്റ് കാട്ടുന്നില്ലെന്നു് പറയപ്പെടുന്നു. സ്ഥിരം ലാഭം കൊയ്യുന്ന കോവിലൂര് സര്വ്വീസ് .വഴി മാറ്റി വിടുന്നതുമൂലം വന് നഷ്ടമാണ് ഗടഞഠഇ ക്ക് വന്നിട്ടുള്ളത്. ചില പ്രമുഖ തൊഴിലാളി സംഘടനകളുടെ നേതാക്കളുടെ ഒത്താശയും കെ എസ്ആര്ടിസി സര്വ്വീസ് മുടക്കത്തിനു പിന്നിലുണ്ടെന്ന് പിന്നാമ്പുറ സംസാരവും ഉയര്ന്നു കേള്ക്കുന്നുണ്ട്.
