കൊട്ടാരക്കര: അഴിമതിക്ക് താക്കീതായി ബിജെപിയുടെ വെട്ടിക്കവല പഞ്ചായത്ത് ഓഫീസ് മാര്ച്ച്. വെട്ടിക്കവല പഞ്ചായത്തിലെ കോടികളുടെ അഴിമതികളെ കുറിച്ച് വിജിലന്സ് അന്വേഷണം അടിയന്തരമായി നടത്തണമെന്നാവശ്യപ്പെട്ട് ബിജെപി പഞ്ചായത്ത് സമിതിയുടെ നേതൃത്വത്തിലാണ് പഞ്ചായത്തോഫീസിലേക്ക് മാര്ച്ച് നടത്തിയത്.
ഓഫീസിനു മുന്നില് മാര്ച്ച് പോലീസ് തടഞ്ഞു. തുടര്ന്ന് നടന്ന ധര്ണ മണ്ഡലം പ്രസിഡന്റ് സുഭാഷ് പട്ടാഴി ഉദ്ഘാടനം ചെയ്തു. എംപി കൊടിക്കുന്നില് സുരേഷാണ് വിജിലന്സ് അന്വേഷണം അട്ടിമറിച്ച് അഴിമതിക്കാരനായ പഞ്ചായത്ത് പ്രസിഡന്റിനെ സംരക്ഷിക്കുന്നതെന്ന് സുഭാഷ് പട്ടാഴി പറഞ്ഞു. ഇതിനെതിരെ ശക്തായ സമരം ബിജെപി സംഘടിപ്പിക്കും.
തനിക്കെതിരെ പത്രസമ്മേളനം നടത്തുകയും പരാതി കൊടുക്കുകയും ചെയ്തതിന്റെ പേരില് സ്ത്രീകളെ വരെ ഗുണ്ടാസംഘത്തെ ഉപയോഗിച്ച് കൊലപ്പെടുത്താന് ശ്രമിക്കുന്ന നിലയിലേക്ക് പ്രസിഡന്റ് മാറികഴിഞ്ഞു. അഴിമതിയില് മുങ്ങിയ ഭരണസമതി രാജിവെക്കണമെന്നും നേതാക്കള് ആവശ്യപ്പെട്ടു. ബാബു വെട്ടിക്കവല അദ്ധ്യക്ഷനായിരുന്നു. നേതാക്കളായ വില്ലൂര് സന്തോഷ്, വെട്ടിക്കവല സന്തോഷ്, ഇരണൂര് രതീഷ്, രമേശ് മേലില, ലാല് പട്ടാഴി എന്നിവര് സംസാരിച്ചു. മാര്ച്ചിന് സിജിമോള് റാഫി, കുമാര് കോക്കാട്, ഗോപന് വെട്ടിക്കവല എന്നിവര് നേതൃത്വം നല്കി.
