കുമരകം: വനവാസി കോളനിയില് അക്രമം. തലയ്ക്കടിയേറ്റ് ഊരുമൂപ്പന് ബോസ് ആശുപത്രിയില്. പുറത്തുനിന്നും എത്തിയ കണ്ടാലറിയാവുന്ന ഇരുപതോളം പേരും കൃഷ്ണവിലാസം തോപ്പില് പീടികച്ചിറ ഗോപാലന്റെ മക്കളായ വിനയന്, വിഷ്ണു, കൃഷ്ണവിലാസം തോപ്പില് അജിതയുടെ മകന് ജിഷ്ണു എന്നിവര് ചേര്ന്നാണ് മൂപ്പനെ ആക്രമിച്ചത്.
കഴിഞ്ഞ രാത്രിയാണ് സംഭവം നടന്നത്. കോളനിയില് രാത്രികാലങ്ങളില് പുറത്തുനിന്നുള്ളവര് കയറരുതെന്ന നിയമം ലംഘിച്ച് കോളനിയിലെ ചിലരുടെ ഒത്താശയോടെ വീടുകള് കേന്ദ്രീകരിച്ച് മദ്യപിക്കുന്നത് ചോദ്യംചെയ്തതാണ് തന്നെ ആക്രമിക്കാന് കാരണമെന്ന് മൂപ്പന് പറഞ്ഞു. പട്ടിക ഉപയോഗിച്ചുള്ള അടിയേറ്റ് തലയ്ക്ക് ഗുരുതരമായി പരിക്കേറ്റ മൂപ്പനെ ജില്ലാ ആശുപത്രിയില് പ്രവേശിപ്പിച്ചു. വിനയന്, വിഷ്ണു, കണ്ടാലറിയാവുന്ന പുറത്തുനിന്നെത്തിയ ഇരുപതോളം പേര്ക്കെതിരെ കുമരകം പോലീസ് കേസെടുത്തു.
