ന്യൂദല്ഹി: ആം ആദ്മി നേതാവ് കുമാര് വിശ്വാസ് വീണ്ടും വിവാദത്തില് അകപ്പെട്ടു. എഎപിയിലെ തന്നെ ഒരു വനിതാ അംഗമാണ് കുമാറിനെതിരെ പുതിയ ആരോപണവുമായി രംഗത്തെത്തിയിരിക്കുന്നത്. താനുമായി കുമാറിന് അവിഹിത ബന്ധമുണ്ടെന്ന റിപ്പോര്ട്ട് വ്യാജമാണെന്ന് പറയണമെന്ന് ആവശ്യപ്പെട്ടതിന് വിശ്വാസ് കൊല്ലുമെന്ന് ഭീഷണിപ്പെടുത്തിയെന്നാണ് യുവതി ആരോപിക്കുന്നത്.
താന് മിണ്ടാതിരുന്നില്ലെങ്കില് എഎപി നേതാവ് സന്തോഷ് കോലിയെ പോലെ കൊല്ലപ്പെടുമെന്നാണ് കുമാര് പറഞ്ഞതെന്ന് അവര് ഒരു ചാനലിന് നല്കിയ അഭിമുഖത്തില് വ്യക്തമാക്കി. ദല്ഹി അസംബ്ലി തെരഞ്ഞെടുപ്പില് മത്സരിക്കാനിരുന്ന സന്തോഷ് കോലി 2013ല് റോഡ് അപകടത്തിലാണ് മരിച്ചത്.
2014ലെ പൊതു തെരഞ്ഞെടുപ്പില് താനും കുമാര് വിശ്വാസിനൊപ്പം അമേത്തിയില് പ്രചരണത്തിന് ഇറങ്ങിയിരുന്നെന്ന് അവര് പറഞ്ഞു. എന്നാല് താനുമായി ബന്ധമുണ്ടെന്ന് വിശ്വാസിന്റെ ഭാര്യ മനസിലാക്കിയെന്നും അയാളെ കൈയോടെ പിടികൂടിയെന്നുള്ള റിപ്പോര്ട്ടാണ് പിന്നീട് താന് കാണുന്നതെന്ന് അവര് പറഞ്ഞു. പിന്നീട് ഫേസ്ബുക്കിലും വാട്ട്സ് ആപ്പിലും താനും കുമാറും തമ്മില് ബന്ധമുണ്ടെന്ന തരത്തില് വാര്ത്ത പ്രചരിക്കുകയായിരുന്നു. ഈ വാര്ത്ത തെറ്റാണെന്ന് വെളിപ്പെടുത്തണമെന്ന് ആവശ്യപ്പെട്ട് താന് കുമാര് വിശ്വാസിനെ പോയി കണ്ടിരുന്നെങ്കിലും അയാള് അതിന് തയ്യാറായില്ല. ഇത്തരത്തിലുളള വ്യാജ വാര്ത്തകള് രാഷ്ട്രീയ ജീവിതത്തിന് ആവശ്യമാണെന്നാണ് അദ്ദേഹം പറഞ്ഞതെന്നും യുവതി വ്യക്തമാക്കി.
ഈ സംഭവത്തിന്റെ പേരില് തന്റെ സ്വകാര്യ ജീവിതം തകര്ന്നെന്നും തന്റെ ഭര്ത്താവും കുട്ടികളും തന്നെ ഉപേക്ഷിച്ചെന്നും അവര് പറഞ്ഞു. സംഭവത്തിന്റെ സത്യാവസ്ഥ എത്രയും പെട്ടെന്ന് പുറത്ത് കൊണ്ടു വന്നില്ലെങ്കില് വിവാഹമോചനം വേണമെന്ന് ഭര്ത്താവ് തന്നോട് പറഞ്ഞതായും അവര് പറഞ്ഞു. ഇക്കാര്യം താന് ദല്ഹി മുഖ്യമന്ത്രി അരവിന്ദ് കേജ്രിവാളിന്റെ ശ്രദ്ധയില്പ്പെടുത്തിയിരുന്നെന്നും എന്നാല് കേജ്രിവാള് തന്റെ പരാതിക്ക് ചെവി കൊടുത്തില്ലെന്നും അവര് കൂട്ടിച്ചേര്ത്തു.
യുവതി പൊലീസ് കമ്മീഷണര്ക്കും മുഖ്യമന്ത്രിക്കും പരാതി നല്കിയിട്ടുള്ളതായി സംസ്ഥാന വനിത കമ്മീഷന് ചെയര്പേഴ്സണ് ബര്ഖാ ശുക്ല സിംങ് പറഞ്ഞു. സംഭവത്തില് കുമാര് വിശ്വാസിനോടും ഭാര്യയോടും ചൊവ്വാഴ്ച ഉച്ചയ്ക്ക് മൂന്ന് മണിക്ക് ഹാജരാകണമെന്ന് കമ്മീഷന് അറിയിച്ചിട്ടുണ്ട്.
