451. ധീ – ബുദ്ധി. ജീവികളില് ബുദ്ധിയായി വര്ത്തിക്കുന്നവള്. ഇന്ദ്രിയങ്ങളിലൂടെ ബുദ്ധി നേടുന്ന ദര്ശനങ്ങളെ അപഗ്രഥിച്ച് അറിവായി സൂക്ഷിക്കുകയും ആ അറിവിനെ ആധാരമാക്കി പുതിയ ജ്ഞാനമേഖലകള് ആവിഷ്കരിക്കുകയും ഓരോ പ്രവൃത്തി ചെയ്യുമ്പോഴും ധര്മ്മാധര്മ്മങ്ങളും കൃത്യാകൃത്യങ്ങളും വേര്തിരിച്ചറിയിക്കുകയും ചെയ്യുന്ന ബുദ്ധി ദേവീരൂപമാണ്. ദേവി എല്ലാ ജീവികളിലും ധീയായി വര്ത്തിക്കുന്നു.
452. ശ്രീഃ – മഹാലക്ഷ്മി, ”ഐശ്വര്യം ആഗ്രഹിക്കുന്നവരാല് ആശ്രയിക്കപ്പെടുന്നവള്” (ഐശ്വര്യാര്ത്ഥം സര്വൈടുശ്രയതേ ഇതിശ്രീഃ) എന്ന് ആചാര്യന്മാര് ശ്രീശബ്ദത്തെ നിര്വചിക്കുന്നു. ഈ പ്രപഞ്ചത്തില് ആകര്ഷകമായും പ്രയോജനപ്പെടുന്ന ജ്ഞാനമായും ഉപഭോഗ്യമായും എന്തെല്ലാമുണ്ടോ അതെല്ലാം ശ്രീദേവിയുടെ വിഭൂതികളാണ്. ആ ശ്രേഷ്ഠയായ മഹാലക്ഷ്മി തന്നെയാണ് മൂകാംബികയായി ലോകത്തെ അനുഗ്രഹിക്കുന്നത്.
453. കാന്തി – ശോഭയായും ദീപ്തിയായും തേജസ്സായും ലോകത്തെ പ്രകാശിപ്പിക്കുന്നവള്. ജ്ഞാനസ്വരൂപമാണു കാന്തിയെന്നും അജ്ഞാനമാണു തമസ്സെന്നും ആചാര്യന്മാര് വേര്തിരിക്കുന്നു.
454. ക്ഷമാ – ഭൂമിയായി രൂപം പൂണ്ടവള്. തന്നെ ദ്രോഹിക്കുന്നവരോടു പ്രതികാരം ചെയ്യാന് കഴിവുണ്ടെങ്കിലും അതു ചെയ്യാതെ ഉപദ്രവവും ദ്രോഹവും സഹിക്കുന്ന സ്വഭാവമാണു ക്ഷമ. തന്റെ സന്താനങ്ങളായ മനുഷ്യരും മറ്റു ജീവികളും ചെയ്യുന്ന ദ്രോഹങ്ങളെ അവഗണിച്ച് അവര്ക്ക് ആഹാരവും പാര്പ്പിടവും കൊടുത്തനുഗ്രഹിക്കുന്നതിനാല് ഭൂമിക്കു ക്ഷമ എന്നുപേര്.
… തുടരും
