തിരുവനന്തപുരം: അണലി കുഞ്ഞുങ്ങളെ കൊണ്ട് നാവില്‍ കടിപ്പിക്കുന്ന പാര്‍ലറുകള്‍ വരെ ഉണ്ടെന്ന് ആഭ്യന്തര മന്ത്രി രമേശ് ചെന്നിത്തല.ലഹരിയുടെ വേരറുക്കാനുള്ള നടപടികളുമായി ശക്തമായി മുന്നോട്ടുപോകുമെന്ന് അദ്ദേഹം പറഞ്ഞു.
സൈബര്‍ കുറ്റകൃത്യങ്ങള്‍ വര്‍ദ്ധിക്കുന്നു. കാലത്തിന്റെ മാറ്റത്തിന് അനുസരിച്ച് കുറ്റകൃത്യം കണ്ടെത്തുന്ന രീതിയും മാറി.
പൊലീസുകാരുടെ എണ്ണം വര്‍ധിപ്പിക്കേണ്ടതുണ്ട്. പൊലീസ് ഓഡിറ്റ് നടപ്പാക്കും. കേസുകള്‍ സമയബന്ധിതമായി തീര്‍ക്കുന്നുണ്ടോ എന്ന് ഓഡിറ്റ് ചെയ്യും.പൊലീസ് സ്റ്റേഷനിലെ പിടികൂടിയ വാഹനങ്ങള്‍ മാറ്റുന്നത് സംബന്ധിച്ച് മുഴുവന്‍ വാഹനങ്ങളുടെയും നിയമ പ്രശ്‌നങ്ങള്‍ പരിഹരിച്ച്, അവ മാറ്റാനുള്ള നടപടി സ്വീകരിക്കും.
ജോലിക്കിടെ അപകടത്തില്‍ പെടുന്ന പൊലീസുകാരെ സഹായിക്കാന്‍ പ്രത്യേക നിധി രൂപീകരിക്കുമെന്നും ചെന്നിത്തല പറഞ്ഞു.പൊലീസ് മേധാവിക്ക് കീഴിലാകും പ്രത്യേക നിധി രൂപീകരിക്കുക. കാസര്‍ഗോഡ് രണ്ട് പൊലീസുകാര്‍ക്ക് അപകടത്തില്‍പ്പെട്ട് കാല്‍ മുറിച്ചുമാറ്റേണ്ടി വന്ന പശ്ചാത്തലത്തിലാണ് നടപടി.
