ന്യൂദല്ഹി: ഭൂമിയേറ്റെടുക്കല് നിയമം സംബന്ധിച്ച് കേന്ദ്രസര്ക്കാരിന്റെ നയം വ്യക്തമാക്കി രാഷ്ട്രപതി പ്രണബ്കുമാര് മുഖര്ജിയുടെ നയപ്രസംഗം. ഭൂമിയേറ്റെടുക്കുമ്പോള് കര്ഷകരുടേയും കുടുംബങ്ങളുടേയും താല്പ്പര്യങ്ങള്ക്ക് സംരക്ഷണം നല്കിക്കൊണ്ടു മാത്രമേ മുന്നോട്ടുപോകൂ എന്നതാണ് കേന്ദ്രസര്ക്കാരിന്റെ നയമെന്ന് രാഷ്ട്രപതി പറഞ്ഞു.
ഉചിതവും മികച്ചതുമായ നഷ്ടപരിഹാരം കര്ഷകര്ക്ക് നല്കും. പൊതുവായ ആവശ്യങ്ങള്ക്കായി ഭൂമിയേറ്റെടുക്കുമ്പോള് നല്കേണ്ട പുനരധിവാസ പാക്കേജ് സംബന്ധിച്ച് ചില ബുദ്ധിമുട്ടുകള് പരിഹരിക്കുമെന്നും രാഷ്ട്രപതി പറഞ്ഞു.
നയപ്രസംഗത്തിലെ പ്രധാന പരാമര്ശങ്ങള് ഇതൊക്കെയാണ്.
2022ഓടെ രാജ്യത്തെ ഭവനരഹിതരായ എല്ലാവര്ക്കും വീട് നിര്മ്മിച്ചു നല്കും.
ആഗസ്ത് 15 സ്വാതന്ത്ര്യദിനത്തിനു മുമ്പായി എല്ലാ സ്കൂളുകളിലും കുറഞ്ഞത് ഒരു ശൗചാലയം.
പ്രധാനമന്ത്രി ജന്ധന് യോജന 100 ശതമാനം ജനങ്ങളിലേക്കും വ്യാപിപ്പിക്കും.
ഗ്രാമീണ ഭാരതത്തിന്റെ സാമൂഹ്യ-സാമ്പത്തിക വളര്ച്ചയ്ക്ക് പ്രാധാന്യം നല്കും.
സബ്സിഡിതുക നേരിട്ടു നല്കുന്ന പദ്ധതി കുറ്റമറ്റ രീതിയില് പുനരാവിഷ്ക്കരിക്കും.
സ്കൂളുകളുടെ വികസനത്തിനായി പുതിയ ദേശീയ നയം.
ലോകത്തിലെ തന്നെ ഏറ്റവും വളര്ച്ചയുള്ള സാമ്പത്തിക ശക്തിയാണ് ഭാരതം.
എല്ലാ വ്യക്തികളുടേയും വികസനമാണ് കേന്ദ്രസര്ക്കാരിന്റെ ലക്ഷ്യം.
പ്രധാനമന്ത്രി ജനസേഛന പദ്ധതി ആരംഭിക്കും.
സ്ത്രീശാക്തീകരണത്തിന് നിരവധി പദ്ധതികള്.
സ്ത്രീകളുടേയും കുട്ടികളുടേയും സുരക്ഷ ഉറപ്പുവരുത്താന് സര്ക്കാര് പ്രതിജ്ഞാബദ്ധം.
മാറ്റിനിര്ത്തപ്പെട്ട ജനവിഭാഗത്തിന്റെ സമഗ്രവികസനം സര്ക്കാരിന്റെ പ്രഥമ പരിഗണന.
റെയില് പരിഷ്ക്കരണത്തിന് തുടക്കം, റെയില്വേ രാജ്യത്തിന്റെ നാഡീഞരമ്പുകള്.
തുറമഖ വികസനവും കപ്പല് വ്യവസായ വികസനവും ലക്ഷ്യമിടുന്നു.
സ്മാര്ട്ട് നഗര പദ്ധതികള് അന്തിമ ഘട്ടത്തില്.
നഗരങ്ങളുടെ ആത്മാവിനെ കണ്ടെത്തി രാജ്യത്തിന്റെ സാംസ്ക്കാരിക ഔന്നിത്യം തെളിയിക്കും.
പ്രകൃതിസ്രോതസ്സുകളില് നിന്നുള്ള ഊര്ജ്ജ ഉത്പ്പാദന രംഗത്ത് സുതാര്യത ഉറപ്പുവരുത്തും.
രാജ്യത്തെ പെട്രോള് വില ലിറ്ററിന് 17 രൂപയിലധികം താഴ്ന്നതു നേട്ടമായി.
പരിസ്ഥിതി-വന്യജീവി സംരക്ഷണത്തിനായി നിരവധി നടപടികള് സര്ക്കാര് സ്വീകരിച്ചുകഴിഞ്ഞു.
രാജ്യസുരക്ഷയെ ബാധിക്കുന്ന ഭീകരതയ്ക്കെതിരായ പോരാട്ടം സര്ക്കാര് തുടരുന്നു.
ജമ്മുകാശ്മീരിലെ സമാധാന അന്തരീക്ഷം നിലനിര്ത്തുകയും കൂടുതല് പ്രധാന്യം നല്കുകയും ചെയ്യും.
ദക്ഷിണേഷ്യന് രാജ്യങ്ങളുമായി കൂടുതല് ബന്ധം സ്ഥാപിക്കും.
ലോകരാജ്യങ്ങളിലെ ഭാരത സമൂഹവുമായി മികച്ചബന്ധമുണ്ടാക്കും.
