കൊച്ചി: തമിഴ്നാട് ഡിഎംകെ നേതാവ് ഉദയനിധി സ്റ്റാലിന്റെ അറസ്റ്റോടെ ജനാധിപത്യത്തില് ആരും നിയമത്തിന് അതീതരല്ലെന്ന സന്ദേശമാണ് നല്കുന്നതെന്ന് ശബരിമല കര്മ്മ സമിതി ജനറല് കണ്വീനര് എസ്.ജെ.ആര്. കുമാര്.
ഇത് ഒറ്റപ്പെട്ട സംഭവമല്ല. മുമ്പ് സനാതന ധര്മത്തെ രോഗങ്ങളോട് ഉപമിക്കുകയും അത് ‘ഉന്മൂലനം ചെയ്യണം’ എന്ന നിലപാട് സ്വീകരിക്കുകയും ചെയ്ത അദ്ദേഹത്തിന്റെ പരാമര്ശങ്ങള് രാജ്യത്തെ കോടിക്കണക്കിന് ഹിന്ദുക്കളുടെ മതവികാരത്തെ ആഴത്തില് വ്രണപ്പെടുത്തിയിരുന്നു. അന്ന് അദ്ദേഹത്തിന്റെ പാര്ട്ടി തമിഴ്നാട് ഭരിക്കുകയും അദ്ദേഹം മന്ത്രിസ്ഥാനത്ത് ഇരിക്കുകയും ചെയ്തതിനാല് ശക്തമായ പ്രതിഷേധങ്ങള്ക്കിടയിലും ഫലപ്രദമായ നിയമനടപടികള് ഉണ്ടായില്ല.
അധികാരത്തിന്റെ അഹങ്കാരം ശാശ്വതമല്ലെന്നും ജനാധിപത്യത്തില് ജനവിധിയും നിയമവാഴ്ചയും ഒടുവില് വിജയിക്കുമെന്നതിന്റെ ഓര്മപ്പെടുത്തലാണ് ഈ സംഭവം.
രാഷ്ട്രീയത്തില് അഭിപ്രായ വ്യത്യാസങ്ങള് സ്വാഭാവികമാണ്. പക്ഷേ വ്യക്തിപരമായ അധിക്ഷേപവും മതവിശ്വാസങ്ങളെ അവഹേളിക്കുന്ന പ്രസ്താവനകളും ഒരിക്കലും ജനാധിപത്യ ത്തിന്റെ മുഖമുദ്രയാകരുത്. തമിഴ്നാടും ഭാരതവും അര്ഹിക്കുന്നത് സംവാദത്തിന്റെ രാഷ്ട്രീയം തന്നെയാണ്, അവഹേളനത്തിന്റെ രാഷ്ട്രീയം അല്ലെന്നും അദ്ദേഹം പറഞ്ഞു.
