ശൃണുതം ദത്തചിത്തൗ മേ രഹസ്യം വ്രജഭൂമിജം
വ്രജനം വ്യാപ്തിരിത്യുക്ത്യാവ്യാപനാദ് വ്രജഉച്യതേ
ഗുണാതീതം പരബ്രഹ്മ വ്യാപകം വ്രജഉച്യതേ
സദാനന്ദം പരംജ്യോതിര്മുക്താനാം പദമവ്യയം
തസ്മിന്നന്ദാത്മജഃകൃഷ്ണഃസദാനന്ദാംഗവിഗ്രഹഃ
ആത്മാരാമശ്ചാപ്തകാമഃ പ്രേമാക്തൈരനുഭൂയതേ
ആത്മാതുരാധികാതസ്യതയൈവരമണാദസൗ
ആത്മാരാമതയാ പ്രാജ്ഞൈഃ പ്രോച്യതേഗൂഢവേദിഭിഃ
കാമാസ്തുവാഞ്ഛിതാസ്തസ്യഗാവോഗോപാശ്ചഗോപികാഃ
നിത്യാഃസര്വേവിഹരാദ്യാ ആപ്തകാമസ്തതസ്ത്വയം
ശാണ്ഡില്യന് പറഞ്ഞു : പ്രിയങ്കരരായ പരീക്ഷിത്ത; വജ്രനാഭാ; ഞാന് നിങ്ങള്ക്ക് വ്രജഭൂമിയുടെരഹസ്യം പറഞ്ഞുതരാം. ഏകാഗ്രതയോടുകൂടി ശ്രവിക്കുക. ‘വ്രജനംവ്യാപ്തി’ എന്നതനുസരിച്ച്വ്യാപനത്താല് വ്രജംഎന്നു പറയുന്നു.
വ്രജശബ്ദത്തിന് വ്യാപ്തിഎന്നര്ത്ഥം. വ്യാപനകാരണത്താലാണ് ഈ ഭൂമി വ്രജഭൂമി എന്നറിയപ്പെടുന്നത്. സത്വം, രജസ്സ്, തമസ്സ് ഈ മൂന്നുഗുണങ്ങള്ക്കുംഅതീതനായ (ഗുണാതീതനായ) പരബ്രഹ്മമാണ്എല്ലായിടത്തുംവ്യാപിച്ചിരിക്കുന്നത്. അതിനാല് പരബ്രഹ്മത്തെ വ്രജംഎന്നുപറയുന്നു. ആ പരബ്രഹ്മംസദാനന്ദമയവും പരമജ്യോതിര്മയവുംഅവ്യയവും (അവിനാശിയും) ആണ്.
ജീവന്മുക്തന്മാര് ആ പരബ്രഹ്മത്തില്സ്ഥിതിചെയ്യുന്നു. ഈ പരബ്രഹ്മസ്വരൂപമായ വ്രജധാമത്തിലാണ് നന്ദനന്ദനനായ ഭഗവാന് ശ്രീകൃഷ്ണന്റെവാസം. അദ്ദേഹത്തിന്റെഓരോഅംഗവും (അവയവവും) സച്ചിദാനന്ദസ്വരൂപമാണ്. ആത്മാരാമനും ആപ്തകാമനുമായ ആ ഭഗവാനെ പ്രേമരസത്തില് ആമഗ്നരായ ജനങ്ങള് അനുഭവിച്ചറിയുന്നു. (സാത്വസ്മിന് പരമപ്രേമരൂപാ എന്ന് നാരദഭക്തിസൂത്രം. ഭക്തിപരമപ്രേമരൂപിണിയാണ്).
ആത്മാവ് ‘രാധ’ യാണ്. ആ ആത്മാവിന്റെ രമണന് ആയപരമാത്മാവ് ആയതിനാല് ഭഗവാന് കൃഷ്ണനെ ആത്മാരാമന് എന്ന് രഹസ്യതത്ത്വങ്ങള് അറിയാവുന്നവരായ മഹത്തുക്കള് വിളിക്കുന്നു. ‘കാമ’ ശബ്ദത്തിന്റെഅര്ത്ഥംഒരുവസ്തുവിലുള്ളകാമന, അഭിലാഷം, ആഗ്രഹം എന്നിങ്ങനെയാണ്. വ്രജത്തില് ശ്രീകൃഷ്ണന്റെ വാഞ്ചിതങ്ങള് (കാമനകള്) ഗോക്കള്, ഗോപന്മാര്, ഗോപികമാര്എന്നിവരാണ്. ഇവരോടെല്ലാംഒരുമിച്ച് നിത്യവുംവിഹരിക്കുന്നവനായതിനാല്; അവരെ നിത്യതയില്എത്തിക്കുന്നവനായതിനാല് ഭഗവാനെ ‘ആപ്തകാമന്’ എന്നുവിളിക്കുന്നു.
…തുടരും
