നാനാത്വത്തില് ഏകത്വമാണ് പ്രകൃതികല്പിതം; ഹിന്ദു ഇതംഗീകരിച്ചിരിക്കുന്നു.മറ്റു മതങ്ങളെല്ലാം ചില സ്ഥാവരസിദ്ധാന്തങ്ങള് ഉപന്യസിച്ച് മുമ്പില് വെയ്ക്കാന് അതിന് ഒരു കുപ്പായമേ ഉള്ളൂ. അത് ജാക്കിനും ജോണിനും ഹെന്-റിക്കും ഒക്കെ ഒരുപോലെ ചേര്ന്നുകൊള്ളണം. ജോണിനോ ഹെന്-റിക്കോ അതു ചേരാത്തപക്ഷം അവന് മേലുമറയ്ക്കാന് കുപ്പായമില്ലാതെ പൊയ്ക്കൊള്ളണം.
സാപേക്ഷത്തില്ക്കൂടിയേ നിരപേക്ഷത്തെ സാക്ഷാത്കരിക്കാനോ വിചാരിക്കാനോ വിവരിക്കാനോ സാധിക്കൂ എന്ന് ഹിന്ദു കണ്ടുപിടിച്ചിട്ടുണ്ട്. അതിനുള്ള അടയാളങ്ങള് ആത്മികാശയങ്ങള് തൂക്കിയിടാനുള്ള ആണികള്- മാത്രമാണ്. വിഗ്രഹങ്ങളും കുരിശുകളും ചന്ദ്രക്കലകളും. ഈ സഹായം എല്ലാവര്ക്കും വേണമെന്നല്ല, അതു വേണ്ടാത്തവര്ക്ക് അതു തെറ്റാണെന്നു പറയാന് അവകാശമില്ലെന്നുമാത്രം. ഇതു ഹിന്ദുധര്മ്മത്തില് നിര്ബന്ധവുമില്ല.
ഒരു കാര്യം നിങ്ങളോടു പറയേണ്ടിരിക്കുന്നു. വിഗ്രഹാരാധന ഭാരതത്തില് അത്ര ഭയങ്കരമൊന്നുമല്ല. അതു തേവിടിശിയുടെ തള്ളയല്ല. നേരെമറിച്ച് അവ്യുത്പന്നമനസ്സുകള് അദ്ധ്യാത്മതത്ത്വങ്ങളെ എത്തിപ്പിടിക്കാന് ചെയ്യുന്ന പരിശ്രമം ചില വ്യത്യസ്തതകളും അവര്ക്കുണ്ട്. എങ്കിലും ഒന്നോര്ക്കുക.
അവര് എപ്പോഴും നോക്കുന്നത് സ്വന്തം ശരീരത്തെ ദണ്ഡിക്കാനാണ്, ഒരിക്കലും അയല്ക്കാരന്റെ കഴുത്തറക്കാനല്ല. വ്രതകര്ക്കശനായ ഹിന്ദു പട്ടടയില് സ്വശരീരം എരിച്ചേയ്ക്കാമെങ്കിലും മറ്റു മതക്കാരെ ഹോമിക്കാന് തീയ് കൂട്ടാറില്ല. മന്ത്രവാദിനികളെ ചുട്ടതിന്റെ കുറ്റം ക്രിസ്തുമതത്തിന്റെ പടിക്കല് ചാര്ത്താവുന്നതിലേറെ ഈ സ്വയം ദഹനപാതകം ഹിന്ദുധര്ത്തിന്റെ പടിക്കല് ചാര്ത്തിക്കൂടാ.
