പഞ്ചായത്ത് ഭരണം അക്രമിസംഘത്തിന്റെ നിയന്ത്രണത്തിലെന്ന്

കുമരകം: ഗ്രാമപഞ്ചായത്തിന്റെ ഭരണസംവിധാനം അക്രമിസംഘത്തിന്റെ നിയന്ത്രണത്തിലെന്ന് ആരോപണം. ഏതാനും ദിവസങ്ങള്‍ക്ക് മുമ്പ് സിപിഎം ക്രിമിനല്‍ സംഘം ബിജെപി പ്രവര്‍ത്തകരെ അക്രമിച്ചിരുന്നു. ഈ അക്രമിസംഘം രക്ഷപ്പെടാന്‍ ഉപയോഗിച്ചത് ഗ്രാമപഞ്ചായത്തിന്റെ വാഹനമാണെന്ന് നാട്ടുകാര്‍ പറയുന്നു. കുമരകത്ത് കഴിഞ്ഞ ഒരു വര്‍ഷത്തിലധികമായി വാഹനം ഓടിക്കുന്നത് സിപിഎം അക്രമിസംഘത്തിന്റെ തലവനാണെന്ന പറയപ്പെടുന്നു. പഞ്ചായത്തിന്റെ വാഹനത്തിന്റെ സൂക്ഷിപ്പുകാരന്‍ സെക്രട്ടറിയാണ്. എന്നാല്‍ കുമരകത്ത് ഈ വാഹനം ഈ ഡ്രൈവറുടെ വീട്ടിലുംമറ്റുമാണ് സൂക്ഷിക്കുന്നത്. ഇയാളുടെ സ്വകാര്യ ആവശ്യത്തിനും സിപിഎമ്മിന്റെ പരിപാടികള്‍ക്കുമെല്ലാം ഈ വാഹനം തന്നെയാണ് ഉപയോഗിക്കുന്നതെന്ന് ആക്ഷേപ വുമുണ്ട്. കുമരകത്തെ അക്രമസംഭവവവുമായി ബന്ധപ്പെട്ട് നിരവധി വാഹനങ്ങള്‍ പോലീസ് കസ്റ്റഡിയിലെടുത്തിരുന്നു. എന്നാല്‍ പരാതി ഉണ്ടായിട്ടും സിപിഎം അക്രമി സംഘം സഞ്ചരിക്കുന്ന പഞ്ചായത്തിന്റെ വാഹനം കസ്റ്റഡിയിലെടുക്കാത്തതില്‍ പ്രതിഷേധം ശക്തമാണ്.