ജില്ലാ കളരിപ്പയറ്റ് ചാമ്പ്യന്‍ഷിപ്പില്‍ നിന്ന്
ആലപ്പുഴ: ജില്ലാ കളരിപ്പയറ്റ് അസോസിയേഷന്റെ 22-ാം വാര്‍ഷികത്തോട് അനുബന്ധിച്ച് നടത്തിയ ജില്ലാ കളരിപ്പയറ്റ് ചാമ്പ്യന്‍ഷിപ്പില്‍ മുഹമ്മ ഗുരുകൃപ കളരി ജേതാക്കളായി. സബ് ജൂനിയര്‍, ജൂനിയര്‍, സീനിയര്‍ വിഭാഗങ്ങളില്‍ നിന്നായി ജില്ലയിലെ 14 കളരികളില്‍ നിന്നുള്ള മത്സരാര്‍ത്ഥികള്‍ പങ്കെടുത്തു. വാര്‍ഷികാഘോഷം ആലപ്പുഴ നഗരസഭാ പൊതുമരാമത്ത് സ്റ്റാ. കമ്മറ്റി ചെയര്‍മാന്‍ കെ. ബാബു ഉദ്ഘാടനം ചെയ്തു. ജില്ലാ പ്രസിഡന്റ് കെ.എന്‍. രവി ഗുരുക്കള്‍ അദ്ധ്യക്ഷത വഹിച്ചു.
സെക്രട്ടറി വി. ബാബുരാജ്, ഐ. നാസര്‍, പുഷ്പരാജ്, എ.ആര്‍. ബിജു തുടങ്ങിയവര്‍ സംസാരിച്ചു. സീനിയര്‍ ബോയ്‌സില്‍ നീരേറ്റുപുറം ബ്രഹ്‌മോദയം കളരിയിലെ കെ.എസ്. സജിമോനും, സീനിയര്‍ ഗേള്‍സില്‍ മുഹമ്മ വിക്ടറി കളരിയിലെ ബീന ചെറിയാനും, ജൂനിയര്‍ ബോയ്‌സില്‍ ഗുരുകൃപ കളരിയിലെ ആദര്‍ശും, ജൂനിയര്‍ ഗേള്‍സില്‍ ഗുരുകൃപ കളരിയിലെ ജീവമോളും, സബ് ജൂനിയര്‍ ബോയ്‌സില്‍ വിക്ടറി കളരിയിലെ ആദിത്യനും, സബ് ജൂനിയര്‍ ഗേള്‍സില്‍ ഗുരുകൃപ കളരിയിലെ സന്യാസജീവും വ്യക്തിഗത ജേതാക്കളായി.
