അടൂര്‍: പെരിങ്ങനാട് മേലൂട് പാലത്തടത്തില്‍ വീട്ടില്‍ സണ്ണി ജോസഫിന്റെ കാര്‍ മോഷ്ടിച്ച കേസില്‍ യുവാവിനെ പോലീസ് അറസ്റ്റ് ചെയ്തു. പെരിങ്ങനാട് പുത്തന്‍ചന്ത സുരാജ് ഭവനത്തില്‍ സുരാജ്(27)നെയാണ് അടൂര്‍ സി.ഐ എസ്. നന്ദകുമാറിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. ഒക്ടോബര്‍ 23ന് രാത്രിയിലാണ് സംഭവം. വീടിന്റെ മുന്‍വശം റോഡരികില്‍ പാര്‍ക്ക് ചെയ്തിരുന്ന ലാന്‍സര്‍ കാറാണ് സുരാജ് മോഷ്ടിച്ചത്.
പെരിങ്ങനാടു നിന്ന് ശനിയാഴ്ച രാവിലെ ഒമ്പതിനാണ് സുരാജിനെ പിടികൂടിയത്.
ഒളിപ്പിച്ചുവെച്ച വാഹനം കൊടുമണില്‍ നിന്ന് പൊലീസ് കണ്ടെടുത്തു. സി.ഐക്ക് ലഭിച്ച രഹസ്യവിവരത്തെ തുടര്‍ന്നാണ് ഇയാളെ പിടികൂടാനായത്. എസ്.ഐ കെ.ജി ഗോപകുമാര്‍, സീനിയര്‍ സിവില്‍ പൊലീസ് ഓഫിസര്‍മാരായ കെ. സന്തോഷ് കുമാര്‍, ആര്‍. രാധാകൃഷ്ണന്‍, സജി എന്നിവരും അന്വേഷണ സംഘത്തിലുണ്ടായിരുന്നു.
പ്രതികരിക്കാൻ ഇവിടെ എഴുതുക: